ជនសង្ស័យ០២នាក់ត្រូវបាននគរបាលស្រុកកំរៀង ចាប់ឃាត់ខ្លួន ពាក់ពន្ធ័ករណីរក្សាទុកនូវសារធាតុញៀន
ខេត្តបាត់ដំបង៖កម្លាំងផ្នែកប្រឆាំងគ្រឿងញៀននៃអធិការដ្ឋាននគរបាលស្រុកកំរៀង កាលពីថ្ងៃទី១៤ ខែឧសភា ឆ្នាំ២០២០ បានចុះប្រតិបត្តិការណ៍បង្ក្រាបករណីរក្សាទុកដោយខុសច្បាប់ នូវសារធាតុញៀន ក្នុងបទល្មើសជាក់ស្តែង ដោយឃាត់ខ្លួនជនសង្ស័យបានចំនួន២នាក់ នៅចំណុចក្រុមទី០៦ ភូមិកំពុងចម្លងលើ ឃុំតាក្រី ស្រុកកំរៀង ខេត្តបាត់ដំបង។
សមត្ថកិច្ចបានឱ្យដឹងថា ជនសង្ស័យទាំង០២នាក់ ដែលត្រូវបានឃាត់ខ្លួនមានឈ្មោះមាក់ មុត ភេទប្រុស អាយុ២២ឆ្នាំ រស់នៅភូមិកំពុងចម្លងលើ ឃុំតាក្រី ស្រុកកំរៀង ខេត្តបាត់ដំបង និងឈ្មោះហែម មុន្នីនាថ ភេទស្រី អាយុ១៧ឆ្នាំ រស់នៅភូមិស្វាយ ឃុំបឹងរាំង ស្រុកកំរៀង ខេត្តបាត់ដំបង។
វត្ថុតាងដកហូតរួមមាន៖ម្សៅក្រាមពណ៌សថ្លា មានចំនួន០៣ថង់ ច្រកក្នុងថង់ប្លាស្ទិកពណ៌ថ្លាស សង្ស័យមានសារធាតុញៀន,ថ្នាំគ្រាប់(wy)ចំនួន១៥៣គ្រាប់,ថ្នាំប្រភេទក្រវីចំនួន៥៨គ្រាប់,ទូរសព្ទ័ដៃ០១គ្រឿងម៉ាកអាយហ្វូន,ប្រាក់ខ្មែរចំនួន៣០០០០០(សាមសិបម៉ឺនរៀល)និងថង់សំរាប់វេចខ្ចប់មួយចំនួន។
បច្ចុប្បន្នជនសង្ស័យ រួមទាំងវត្ថុតាងកំពុងរៀបចំសំណុំរឿង បញ្ជូនទៅស្នងការដ្ឋាននគរបាលខេត្ត ដើម្បីចាត់ការតាមនីតិវិធីបន្ត៕
