ស្នងការនគរបាល ខេត្តបន្ទាយមានជ័យ ចុះអនុវត្តច្បាប់ចរាចរណ៍ផ្លូវគោកថ្មី នៅក្រុងសិរីសោភ័ណ
ខេត្តបន្ទាយមានជ័យ៖ការចុះអនុវត្តច្បាប់អនុក្រឹត្យលេខ៣៩ ស្តីពីការផាកពិន័យអន្តការណ៍នេះ ចង់បញ្ញាក់ស្មារតី ដល់បងប្អូនប្រជាពលរដ្ឋ ក្នុងគោលបំណង ដល់អ្នកបើកបរយានយន្ត ឲ្យចូលរួមគោរពច្បាប់ចរាចរណ៍ផ្លូវគោក បើកបរឲ្យមានការប្រុងប្រយ័ត្នខ្ពស់ មិនត្រូវបើកបរក្រោមឥទ្ធិពល នៃគ្រឿងស្រវឹងដាច់ខាត ត្រូវចេះគោរពសិទ្ធិអាទិភាព និងមានការអធ្យាស្រ័យខ្ពស់ រាល់ពេលបើកបរ ធ្វើយ៉ាងណាចូលរួមទប់ស្កាត់ និងកាត់បន្ថយគ្រោះថ្នាក់ចរាចរណ៍ផ្លូវគោកទាំងអស់គ្នា។
លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ មានប្រសាសន៍បែបនេះខណៈដែរលោកកំពុងដឹងនាំកម្លាំងចុះអនុវត្តច្បាប់អនុក្រឹត្យលេខ៣៩ ស្តីពីការផាកពិន័យអន្តការណ៍ ចំពោះអ្នកល្មើសច្បាប់ចរាចរណ៍ផ្លូវគោក ដល់អ្នកធ្វើដំណើរ នៅលើដងផ្លូវជាតិ៥ ខាងលិចស្ពានទឹកថ្លា សង្កាត់ទឹកថ្លា ក្រុងសិរីសោភ័ណ នាព្រឹកថ្ងៃទី០១ ខែឧសភា ឆ្នាំ២០២០។
លោកឧត្តមសេនីយ៍ទោស្នងការ បានឲ្យដឹងថា ជំហានដំបូងនេះ សមត្ថកិច្ចនឹងផាកពិន័យលើកំហុស ចំនួន៧ចំណុច សម្រាប់អ្នកប្រើប្រាស់ទោចក្រយានយន្តម៉ូតូ ដែលល្មើសច្បាប់ ចរាចរណ៍ថ្មី ក្នុងនោះមាន មិនពាក់មួកសុវត្ថិភាព ឲ្យបានត្រឹមត្រូវ ស្រវឹងពេលបើកបរ មិនគោរពភ្លើង និងផ្លាកសញ្ញា ល្មើសការបត់ និងការវ៉ាជែង ការដឹកលើសចំណុះ គ្មានផ្លាកលេខ ប្រើប្រាស់ទូរស័ព្ទ ដោយមិនមានឧបករណ៍ភ្ជាប់ជាមួយជាដើម
ជាមួយគ្នានោះដែរ លោកក៏បានប្រាប់ប្រជាពលរដ្ឋ ឲ្យបានយល់ដឹងយ៉ាងច្បាស់ ក្នុងការចុះផ្សព្វផ្សាយ ការអនុវត្តច្បាប់អនុក្រឹត្យលេខ៣៩ ស្តីពីការផាកពិន័យអន្តការណ៍ ចំពោះអ្នកល្មើសច្បាប់ចរាចរណ៍ផ្លូវគោក របស់មន្ត្រីនគរបាលចរាចរណ៍កន្លងមក ប្រជាពលរដ្ឋបានចូលរួមនាំគ្នា គោរពច្បាប់ចរាចរណ៍ផ្លូវគោកនេះ បានល្អដោយស្មារតីភ្ញាក់រលឹក និងទទួលខុសត្រូវ ដើម្បីសុវត្តិភាពផ្ទាល់ខ្លួន និងអ្នកដ៏ទៃផងដែរ៕
![]()
![]()
![]()