ឃាត់ខ្លួនបុរសម្នាក់ ពាក់ពន្ធ័ករណីជួញដូរគ្រឿងញៀន
រាជធានីភ្នំពេញ៖ជនសង្ស័យវ័យ២៥ឆ្នាំ១នាក់ ត្រូវបានកម្លាំងនគរបាលប៉ុស្តិ៍ចាក់អង្រែលើចាប់ឃាត់ខ្លួន កាលពីវេលាម៉ោង២រំលងអាធ្រាតថ្ងៃទី១៤ ខែឧសភា ឆ្នាំ២០២០ នៅចំណុចផ្លូវ៦០ម៉ែត្រ មុខសំណង់មិនរៀបរយក្រុមទី៨ ស្ថិតនៅក្នុងភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ខណៈដែរកំពុងឈរលក់ថ្នាំញៀន។
សមត្ថកិច្ចបានឲ្យដឹងថា ជនសង្ស័យមានឈ្មោះ ហេង បូរ៉ា ភេទប្រុស អាយុ២៥ឆ្នាំ ជនជាតិខ្មែរ មុខរបរមិនពិតប្រាកដស្នាក់នៅផ្លូវ៦០ម៉ែ្រត ភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ។
សមត្ថកិច្ចបញ្ជាក់ថា កាលពីវេលាម៉ោង០០នាទីឈានចូលថ្ងៃទី១៤ ខែឧសភា ឆ្នាំ២០២០កម្លាំងប៉ុស្តិ៍នគរបាលរដ្ឋបាលចាក់អង្រែលើ បានចុះល្បាតក្នុងមូលដ្ឋាន លុះមកដល់ចំណុច កើតហេតុខាងលើក៏ប្រទះឃើញជនសង្ស័យកំពុងឈរលក់ថ្នាំញៀន ក៏ឃាត់ខ្លួនត្រួតពិនិត្យ ស្រាប់តែប្រទះឃើញមានក្រាមសថ្លាចំនួន០៥កញ្ចប់ថង់តូច(សង្ស័យជាគ្រឿងញៀ)ក៏ឃាត់ខ្លួនយកមកធ្វើការសាកសួរនៅប៉ុស្តិ៍នគរបាលចាក់អង្រែលើតែម្ដង។
វត្ថុតាងដកហូតបានមានក្រាមពណ៍សថ្លា ចំនួន០៥កញ្ចប់ថង់តូច។បច្ចុបន្បន្នជនសង្ស័យ ខាងលើកំពុងតែឃុំបណ្តោះអាសន្ន នៅអធិការដ្ឋាននគរបាលខណ្ឌមានជ័យ ដើម្បី កសាងសំណុំរឿងចាត់ការតាមនិតិវិធីច្បាប់៕
