រថយន្តដឹកស្រាបៀរកម្ពុជា ក្រឡាប់ផ្ងារជើង បណ្តាលឲ្យតៃកុងរងរបួសស្រាល
ខេត្តកំពង់ធំ៖ដោយសារបើកបរខ្វះការប្រុងប្រយ័ត្ន ក្នុងស្ថានភាពងងុយដេក បានធ្វើឲ្យរថយន្តដឹកស្រាបៀរកម្ពុជា ក្រឡាប់ផ្ងារជើង បណ្តាលឲ្យតៃកុងរងរបួសស្រាល រីឯស្រាបៀនៅក្នុងរថយន្តរងការខូចខាតអស់ជាច្រើនកេះ។
ករណីនេះបានកើតឡើងនៅវេលាម៉ោង៥និង៣០នាទីព្រឹក ថ្ងៃទី១២ ខែឧសភា ឆ្នាំ២០២០ នៅក្នុងសង្កាត់ព្រែកតាហ៊ូ ក្រុងស្ទឹងសែន ខេត្តកំពង់ធំ។
បើតាមប្រភពពីកន្លែងកើតហេតុបានឲ្យដឹងថា មុនពេលកើតហេតុ គេបានឃើញរថយន្ដដឹកស្រាបៀកម្ពុជា មួយគ្រឿងបានរេចង្កូតរួចក៏ក្រឡាប់តែម្ដង បណ្តាលឲ្យតៃកុងរងរបួសស្រាល រីឯស្រាបៀខូចខាតជាច្រើនកេះ សំណាងល្អមិនបណ្តាលឲ្យមានគ្រោះថ្នាក់ដល់ព្រជាពលរដ្ឋ។ករណីខាងលើទំនងមកពីអ្នកបើកបរងោកមួយភាំងទប់ចង្កូតមិនទាន់។
ក្រោយពេលកើតហេតុក្រុមហ៊ុនបានយករថយន្ដមកសាងស្រាបៀនិង ស្ទូចរថយន្តដែលក្រឡាប់ខាងលើ ដើម្បីបញ្ចៀសកុំឱ្យមានការកកស្ទះចរាចរណ៍នៅលើដងផ្លូវផងដែរ៕
