នគរបាលប្រឆាំងគ្រឿងញៀន ខេត្តព្រះសីហនុ ឃាត់ខ្លួនជនសង្ស័យចំនួន៤នាក់ ពាក់ព័ន្ធករណីគ្រឿងញៀន
ខេត្តព្រះសីហនុ៖ជនសង្ស័យបានចំនួន០៤នាក់ ដែលជាប់ពាក់ព័ន្ធករណីជួញដូរគ្រឿងញៀន ត្រូវបានកម្លាំងជំនាញ ការិយាល័យនគរបាលប្រឆាំងគ្រឿងញៀន ខេត្តព្រះសីហនុ ចាប់ឃាត់ខ្លួនកាលវេលាម៉ោង០២និង៣០នាទីយប់ថ្ងៃទី១២ ខែឧសភា ឆ្នាំ២០២០ នៅចំណុចក្រុម៤៧ ភូមិ៥ សង្កាត់លេខ៤ ក្រុង/ខេត្តព្រះសីហនុ។
សមត្ថកិច្ចបានឲ្យដឹងថា ជនសង្ស័យដែលបានត្រូវឃាត់ខ្លួនរួមមានៈ
ទី១- ឈ្មោះ ណុប បញ្ញា ភេទប្រុស អាយុ២៥ឆ្នាំ ជនជាតិខ្មែរ មុខរបរមិនពិតប្រាកដ ស្រុកកំណើត ស្រុកបន្ទាយមាស ខេត្តកំពត ទីលំនៅបច្ចុប្បន្ន មិនពិតប្រាកដ។
ទី២- ឈ្មោះ ប៊ុន ណារ័ត្ន ភេទប្រុស អាយុ១៩ឆ្នាំ ជនជាតិខ្មែរ មុខរបរមិនពិតប្រាកដ ស្រុកកំណើត ឃុំសាមគ្គី ស្រុកព្រៃនប់ ក្រុង/ខេត្តព្រះសីហនុ ទីលំនៅបច្ចុប្បន្ន ឃុំសាមគ្គី ស្រុកព្រៃនប់ ខេត្តព្រះសីហនុ។
ទី៣- ឈ្មោះ ឈួន សាក់នីកា ភេទប្រុស អាយុ៣៩ឆ្នាំ ជនជាតិខ្មែរ មុខរបររត់ផាស់អេប ស្រុកកំណើត ខេត្តស្វាយរៀង ទីលំនៅបច្ចុប្បន្ន សង្កាត់លេខ៣ ក្រុង/ខេត្តព្រះសីហនុ។
ទី៤- ឈ្មោះ ជិន សុកអេង ភេទប្រុស អាយុ៣៩ឆ្នាំ ជនជាតិខ្មែរ មុខរបររត់ផាស់អេប ស្រុកកំណើត ស្រុកស្វាយប៉ោ២ ខេត្តបាត់ដំបង ទីលំនៅបច្ចុប្បន្ន សង្កាត់លេខ៣ ក្រុង/ខេត្តព្រះសីហនុ។
ក្រោយពីឃាត់ខ្លួនជនសង្ស័យ សមត្ថកិច្ចដកហូតបាននូវវត្ថុតាងរួមមាន៖ម្សៅក្រាមសថ្លា សង្ស័យជាសារធាតុញៀន ចំនួន២២កញ្ចប់,មេតំហ្វេតាមីន WY ចំនួន៨គ្រាប់ និង០១កញ្ចប់តូច, កែវសម្រាប់ជក់គ្រឿងញៀនចំនួន០៧,ថង់ផ្លាស្ទិចសម្រាប់វិចខ្ចប់ថ្នាំញៀន០១ដុំ, និងទូរស័ព្ទដៃចំនួន០៨គ្រឿង។
បច្ចុប្បន្នជនសង្ស័យខាងលើ ត្រូវបានសមត្ថកិច្ចកសាងសុំណុំរឿង ដើម្បីចាត់ការតាមនីតិវិធី៕
