នគរបាលស្រុកភ្នំព្រឹក ចាប់ឃាត់ខ្លួនជនសង្ស័យ១នាក់ ពាក់ពន្ធ័ករណីគ្រឿងញៀន
ខេត្តបាត់ដំបង៖ដោយអនុវត្តតាមការណែនាំរបស់លោកឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង និងតាមការណែនាំរបស់លោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿងញៀននៃស្នងការដ្ឋាន នៅថ្ងៃ ចន្ទ ១៤កើត ខែចេត្រ ឆ្នាំកុរ ឯកស័កព.ស.២៥៦៣ ត្រូវនឹងថ្ងទី០៦ ខែមីនា ឆ្នាំ២០២០ កម្លាំងនគរបាលស្រុកភ្នំព្រឹក ដឹកនាំដោយលោកវរសេនីយ៍ទោ សារ៉េត វិសេដ្ឋ អធិការនគរបាលស្រុក បានចុះបង្រ្កាបករណីរក្សាទុកដោយខុសច្បាប់នូវសារធាតុញៀនចំនួន០១ករណី ដោយធ្វើការឃាត់ខ្លួនជនសង្ស័យ១នាក់នៅក្នុងមូលដ្ឋានភូមិអូរតាសុខ ឃុំពេជ្រចិន្តា ស្រុកភ្នំព្រឹក ខេត្តបាត់ដំបង។
ជនសង្ស័យដែលត្រូវបានកម្លាំងផ្នែកជំនាញ ចាប់ឃាត់ខ្លួននោះមានឈ្មោះប្រាក់ សេងហុង ភេទប្រុស អាយុ២៣ឆ្នាំ មានទីលំនៅ ភូមិអូរតាសុខ ឃុំពេជ្រចិន្ដា ស្រុកភ្នំព្រឹក ខេត្តបាត់ដំបង ។
វត្ថុតាងដកហូតបានរួមមាន៖
១-ម្សៅក្រាមពណ៌សថ្លា ច្រកក្នុងថង់ផ្លាស្ទិច ពណ៌សថ្លា សង្ស័យមានសារធាតុញៀនប្រភេទមេតហ្វេតាមីន ម៉ាទឹកកកICE ចំនួន០២ថង់ធំ។
២-ទូរស័ព្ទដៃចំនួន០១គ្រឿង។
៣-ជញ្ជីងសម្រាប់ថ្លឹងគ្រឿងញៀន ចំនួន០១គ្រឿង។
៤-ថង់សម្រាប់ច្រករំលែកថ្នាំញៀន និងសម្ភា:រសម្រាប់ប្រើប្រាស់គ្រឿងញៀនមួយចំនួន។
ក្រោយធ្វើការសាកសួរស្រាវជ្រាវ បច្ចុប្បន្នកម្លាំងនគរបាលនៃអធិការដ្ឋាននគរបាលស្រុក បានបញ្ជូនជនសង័្សយ និងវត្ថុតាងទៅកាន់ការិយាល័យជំនាញនៅស្នងការដ្ឋាននគរបាលខេត្តបាត់ដំបង ដើម្បីចាត់ការបន្តតាមនីតិវិធី៕
