កាកបាទក្រហមកម្ពុជា ខេត្តបន្ទាយមានជ័យ ផ្អាកប្រារព្វពិធីអបអរសាទរ ខួបលើកទី១៥៧ ទិវាពិភពលោកកាកបាទក្រហមកម្ពុជា ៨ ឧសភា តែនៅធ្វើការកៀរគដើម្បីរកមូលនិធី
ខេត្តបន្ទាយមានជ័យ៖ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ នាព្រឹក ថ្ងៃទី២៩ ខែមេសា ឆ្នាំ២០២០ បានធ្វើការជូនដំណឹងដល់មន្ត្រីរាជការ កងកម្លាំងប្រដាប់អាវុធទាំង៣ស្ថាប័ន អាជីវករលេខ ០៤៦/២០ កក្រក.ទទ ចុះថ្ងៃទី៣ ខែមីនា ឆ្នាំ២០២០ របស់កាកបាទក្រហម កម្ពុជាស្តីពីការផ្អាកប្រារព្វពិធីអបអរសាទរ ខួបលើកទី១៥៧ ទិវាពិភពលោកកាកបាទក្រហមកម្ពុជា ៨ ឧសភា ឆ្នាំ២០២០ ដើម្បីចូលរួមទប់ស្កាត់ការ រាតត្បាតជម្ងឺកូវីដ.១៩និងដើម្បីឆ្លើយតបទៅនិងការអំពាវរបស់សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា។
គួរបញ្ជាក់ផងដែរថា ពិធីមេទ្ទិញអបអរសាទខួបទី១៥៧ ទិវាពិពភលោកកាកបាទក្រហមនេះ ធ្វើជារៀងរាល់ឆ្នាំតែឆ្នាំនេះសាខាកាកបាទក្រហមកម្ពុជាខេត្តបន្ទាយមានជ័យ នៅតែធ្វើបន្តការធ្វើនេះ គ្រាន់តែកៀរគដើម្បីរកមូលនិធី និងស្វាគមន៍ការចូលរួមបរិច្ចាកនូវ ថវិកា សម្ភារៈ ដោយស្ម័គ្រចិត្តពីព្រះតេជគុណ ឯកឧត្តម លោកជំទាវ មន្ត្រីរាជការនៃស្ថាប័នរដ្ឋ និងវិស័យឯកជន ដូចដែលធ្លាប់បានធ្វើកាលពីបណ្តាឆ្នាំកន្លងមកតែប៉ុណ្ណោះ។
ឯកឧត្តម អ៊ុំ រាត្រី អភិបាលខេត្តបានបញ្ជាក់ថា គេបង្កើតកាកបាទក្រហមកម្ពុជានេះ ឡើងក្នុងគោលបំណងជួយសង្គ្រោះដល់ប្រជាពលរដ្ឋ ដែលរងគ្រោះដោយគ្រោះថ្នាក់ធម្មជាតិជាយថាហេតុ។សកម្មភាពមនុស្សធម៍ទាំងអស់នេះ គឺបានអនុវត្តដោយប្រតិបត្តិប្រចាំឆ្នាំទៅលើវិស័ស្នូលទាំង៤មានរួមមាន៖
១-វិស័គ្រប់គ្រងគ្រោះមហត្តរាយ។
២-វិស័យសុខាភិបាលនិង ថែទាំងសុខភាពក្នុងសហគមន៍។
៣-វិស័យលើកកំពស់ គោលការណ៍គ្រោះមហន្តរាយ និងតំឡៃមនុស្សធម៍និង។
៤-វិស័យអភិវឌ្ឍស្ថាប័ន និងអភិវឌ្ឍធនធានមនុស្ស។
ឯកឧត្តមបានបញ្ជាក់ទៀតថា សាខាកាកបាទក្រហមខេត្តបាន ផ្តល់មនុស្សធម៍ ជូនដល់ប្រជាពលរដ្ឋ ដល់ជនរងគ្រោះកន្លងមក ដោយរងគ្រោះមហន្តរាយ ជនងាយរងគ្រោះបំផុតសរុបចំនួនជាច្រើនរយគ្រួសារ។ក្នុងនោះជួយដល់ប្រជាពលរដ្ឋ ជួបកាលំបាកក្រីក្រ ទុរគតជនមានជម្ងឺរាំរ៉ៃ ជនពិការ អ្នកលង់ទឹក ឧប្បទេវហេតុផ្សេងៗទាំង៩ ក្រុង ស្រុកផងដែរ។
ជាងនេះទៅទៀត សាខាកាកបាទក្រហមកម្ពុជាខេត្តបន្ទាយមានជ័យ កន្លងមកបានខិតខំជម្រុញចលនាកៀងគរជំនួយសប្បុរសឲ្យបានច្រើនទៀតពេលដែលគ្រោះមហន្តរាយកើនឡើង។ក្នុងនោះឯកឧត្តមអភិបាលខេត្តបានលើកឡើងអំពីចំណុចខ្លាំងចំណុចខ្សោយ លើលទ្ធភាពនៃការគៀងគរជំនួយសប្បុរសជនឧបត្ថម្ភ ដល់កាកបាទក្រហមកម្ពុជា ក្នុងនោះត្រូវប្រើប្រាស់កម្លាំងសរុប មធ្យោបាយសរុប ហើយផ្សព្វផ្សាយនិងបញ្ជូនលិខិតអញ្ជើញទៅដល់ដៃ មុខសញ្ញាជាឥស្សរជន មន្ត្រីរាជការ កម្លាំងប្រដាប់អាវុធ និយោជក ម្ចាស់ក្រុមហ៊ុន សហគ្រាស អាជីវករ អ្នកធ្វើការឲ្យរ៉ៃអង្គារដៃគូរអភិវឌ្ឍន៍ ផ្នែកឯកជនផ្សេងទៀត ព្រះសង្ឃ គណ:កម្មការ អាចារ្យដើម្បីចូលរួមចំណែក បរិច្ចាគជំនួយសប្បុរសជាដើម។
ទន្ទឹមនោះដែរឯកឧត្តមបានធ្វើកាកោតសរសើរ ដល់បុគ្គលិកសាខាកាកបាទក្រហមខេត្តទាំងអស់ ដែលបានខិតខំប្រឹងប្រែង ជួយដល់សង្គមជាតិ ជាច្រើនដូចជាការ ជួយសង់ផ្ទះជួនប្រជាពលរដ្ឋក្រីក្រ គ្មានទីពឹង អំណោយសង្គ្រោះបន្ទាន់ ផ្តល់ទីជំរកជូនដល់ គ្រួសារឈឺធ្ងន់ ចុះសួរសុខទុក្ខដល់ អ្នកកើតអេដស៍ កុមារកំព្រា លើកកំពស់សុខភាពមាតា ទារក និងកុមារជាដើម។ឯកឧត្តមបានប្តេជ្ញាចិត្តថា និងខិតខំកៀងគរ រកជំនួយពីសប្បុរសឲ្យបានច្រើនដើម្បីយកទៅជួយសង្គ្រោះ ពេលដែលគ្រោះមហន្តរាយកើត មានឡើងជាយថាហេតុម្ដងៗ៕
