បុរសម្នាក់ ដើរក្រោមដំបូកដីធំ ដែលត្រាក់ទ័រឈូស ចៃដន្យធ្លាក់សង្កត់ពីលើ បណ្តាលឲ្យស្លាប់ភ្លាមៗ
ខេត្តស្វាយរៀង៖ពិតជាអាណចអធមខ្លាំងណាស់ បុរសម្នាក់បានស្លាប់បាត់បង់ជីវិតភ្លាមៗ នៅកន្លែងកើតហេតុ ដោយសារតែបាក់ដីដំបូក រលំសង្កត់ពីលើ ក្រោយពេលដែលដីដំបូកនោះ ត្រូវបានត្រាក់ទ័រឈូសឆាយក្រឡឹងជុំវិញ។
ករណីដ៏រន្ធត់នេះបានកើតឡើងកាលពីវេលាម៉ោង១៨ល្ងាចថ្ងៃទី២៧ ខែមេសា ឆ្នាំ២០២០ នៅត្រង់ចំណុចត្រពាំងឈូកភូមិត្បែង ឃុំអំពិលស្រុករមាសហែក ខេត្តស្វាយរៀង។
បើតាមប្រភព័ត៌មានបានឱ្យដឹងថា ជនរងគ្រោះមានឈ្មោះ សូ រ៉េ ភេទប្រុស អាយុ៤៦ឆ្នាំ រស់នៅភូមិត្បែង ឃុំអំពិល ស្រុករមាសហែក ខេត្តស្វាយរៀង។
បើតាមប្រភពដដែរបន្តថា នៅវេលាកើតហេតុខាងលើជនរងគ្រោះបានទៅជូលត្រាក់ទរ័មកពីភូមិ តាខុប ឃុំកំពង់ត្រាច ចំនួន៣គ្រឿង
១-ឈ្មោះ កែវ ពិសី ភេទប្រុស អាយុ២៨ឆ្នាំ
២-ឈ្មោះ វ៉ា ថាន ភេទប្រុស អាយុ៣៩ឆ្នាំ
៣-ឈ្មោះ ជា សំអាត ភេទប្រុស អាយុ៣២ឆ្នាំ អោយមកឈូសឆាយដីរបស់គាត់នៅចំនុចខាងលើ រហូតដល់ម៉ោង១៨ល្ងាចត្រាក់ទរ័ក៏សំរាក នៅពេលនោះ ជនរងគ្រោះបានដើរទៅជិតដំបូកធំមួយដែលត្រាក់ទ័រឈូសក្រឡឹងជុំវិញអស់ហើយស្រាប់តែដំបូកនោះបាក់សង្កត់បណ្ដាលឱ្យស្លាប់នៅនឹងកន្លែងតែម្ដង។
ក្រោយកើតហេតុសាកសពត្រូវបានយកមកដំកល់ទុកនៅផ្ទះ ដើម្បីធ្វើបុណ្យតាមប្រពៃណី៕
