កម្លាំងនគរបាលស្រុកស្អាង ចាប់ឃាត់ខ្លួនអ្នកលួចដាំកញ្ឆាចំនួន២នាក់ បន្ទាប់ពីទទួលបាន នូវសេ ចក្តីរាយការពីពលរដ្ឋ
ខេត្តកណ្តាល៖បន្ទាប់ពីទទួលបាននូវសេចក្តីរាយការពីពលរដ្ឋថា មានអ្នកលួចដាំកញ្ឆា នៅចំណុចចុងព្រែកយូហ៊ឹង ស្ថិតនៅភូមិពោធិក្រោម ឃុំត្រើយស្លា ស្រុកស្អាង ខេត្តកណ្តាល កាលពីវេលាម៉ោង០៨និង៣០នាទីនៅថ្ងៃអង្គារ ១៤រោច ខែចេត្រ ឆ្នាំជូត ទោស័ក ព.ស២៥៦៣ ត្រូវនឹងថ្ងៃទី២១ ខែមេសា ឆ្នាំ២០២០ កម្លាំងនគរបាលប៉ុស្ដិ៍ត្រើយស្លា សហការជាមួយកម្លាំងអធិការដ្ឋាននគរបាលស្រុកស្អាង ចុះដល់កន្លែងកើតហេតុ ឃើញឈ្មោះ ឌឿ ឡេង និងឈ្មោះ ហេង ហុកសេង នៅក្នុងចំការត្រាវ ដែលមានដាំដុះកញ្ឆា កញ្ឆុង នៅក្នុងចំការត្រាវ របស់ខ្លួនបន្ទាប់មកបានធ្វើការនាំខ្លួនជនសង្ស័យមកប៉ុស្តិ៍ដើម្បីសាកសួរ។
បើតាមសមត្ថកិច្ចបានឱ្យដឹងថា ជនសង្ស័យទាំង២នាក់ដែលត្រូវឃាត់ខ្លួន
១/ ឈ្មោះ ហេង ហុកសេង ភេទប្រុស អាយុ៦០ឆ្នាំ នៅភូមិពោធិក្រោម ឃុំត្រើយស្លា ស្រុកស្អាង ខេត្តកណ្តាល មុខរបរ កសិករ(ឃាត់ខ្លួន)។
២/ ឈ្មោះ ឌឿ ឡេង ភេទប្រុស អាយុ៥៤ឆ្នាំ នៅភូមិពោធិក្រោម ឃុំត្រើយស្លា ស្រុកស្អាង ខេត្តកណ្តាល មុខរបរ កសិករ (ឃាត់ខ្លួន)។
សមត្ថកិច្ចបន្តថា វត្ថុតាងដកហូតបានរួមមាន៖
១/កញ្ឆា កញ្ឆុងចំនួន១៧ដើម ជារបស់ឈ្មោះហេង ហុកសេង។
២/កញ្ឆា កញ្ឆុងចំនួន៩៨ដើម ជារបស់ឈ្មោះឌឿ ឡេង។
នៅចំពោះមុខសមត្ថកិច្ច ជនសង្ស័យទាំងពីរនាក់ខាងលើ បានសារភាពថា ខ្លួនបានដាំដុះកញ្ឆា កញ្ឆុង នៅក្នុងចំការត្រាវពិតប្រាដកមែន។បច្ចុប្បន្នជនសង្ស័យ ត្រូវបានឃាត់ខ្លួន នៅអធិការដ្ឋាននគរបាលស្រុកស្អាង ដើម្បីកសាងសំណុំរឿងបន្ដតាមនីតិវិធី៕
