ល្បែងសុីសងភ្នាល់ចាក់បាល់តាមប្រព័ន្ធអនឡាញក្បែស្តង់ជ្រូកនៅតែបន្ត សមកិច្ចពាក់ព័ន្ធមិនបង្កាបសង្ស័យខ្លាចបាត់ចំណូលទើបមិនហ៊ានប៉ះ
ក្រុងប៉ោយប៉ែត៖ ល្បែងសុីសងភ្នាល់ចាក់បាល់តាមប្រព័ន្ធ (អនឡាញ) ដុះស្លែគ្មានច្បាប់មួយកន្លែងនៅក្រុងប៉ោយប៉ែត បើកលេងយ៉ាងអនាធិបតេយ្យប៉ុន្តែលោក គាត់ ហ៊ុល អភិបាលក្រុង កងរាជអាវុធហត្ថមូលដ្ឋានក្រុង និងអធិការរដ្ឋាននគរបាលក្រុងប៉ោយប៉ែត មិនមានចំណាត់ការទប់ស្កាត់ បង្ការ បង្ក្រាប សោះ ឬមួយខ្លាចបាត់ប្រភពចំណូល.? ល្បែងនេះបើតាមការសង្កេតឃើញមានបើកលេងចាក់(ភ្នាល់បាល់) តាមប្រព័ន្ធអនឡាញបើកលេងបានដោយរលូន។
គួរំលឹកផងដែរថា៖ ទោះបីជាមានសារចរាចរណ៍ណែនាំពីរាជរដ្ឋាភិបាលកម្ពុជា អោយបិទក៏ដោយតែឡែកនៅទីតាំងមួយនេះនៅតែបន្ត ( ទល់មុខស្តង់ជ្រូក ស្តិតនៅភូមិប៉ាលេល័យ ១ សង្កាត់/ក្រុងប៉ោយប៉ែត ខេត្តបន្ទាយមានជ័យ ) ប្រតាមភពពីប្រជាពលរដ្ធរស់នៅក្បែនោះអោយសារព័ត៌មានយើងដឹងថា៖ បនល្បែងមួយនេះគឺភ្នាល់ចាក់បាល់ទាត់តាមប្រព័ន្ធអនឡាញ នៅតែអាចបើកលេងបានដោយមិនរំខានដល់អាជ្ញាធរសមត្ថកិច្ចពាក់ព័ន្ធក្រុងប៉ោយប៉ែត ឡើយហើយនៅតែរក្សាភាពស្ងៀមស្ងាត់បានដ៏ដែរ។
បើយោងប្រភពគ្រប់មជ្ឈដ្ឋានរស់នៅក្រុងប៉ោយប៉ែត បាននាំគ្នារិះគន់យ៉ាងចាស់ដៃនៅតាមហាងកាហ្វេថា ៖ ឃើញតែសមត្ថកិច្ចជំនាញពាក់ព័ន្ធ បង្ក្រាបតែអំពើចោរកម្ម មានដូចជា (លួច,ឆក់ប្លន់,គាស់ផ្ទះ,ជក់ថ្នាំញៀន) បង្ក្រាបបានស្ទើរាល់ថ្ងៃ។ ប្រភពអ្នករិះគន់បន្តថា៖ ងាកមកវិញ កត្តាដែលសំខាន់ ជាពិសេស ល្បែងភ្នាល់តាមប្រព័ន្ធអនឡាញ មិនដែលឃើញមាន អាជ្ញាធរសមត្ថកិច្ចជំនាញពាក់ព័ន្ធក្រុងប៉ោយប៉ែត ចុះបង្ក្រាបទេ តើឯណាទៅភូមិឃុំមានសុវត្ថិភាព៩ចំនុច បើបនល្បែងបើកលេងយ៉ាងដូច្នេះនោះ។
ប្រភពក្រុមអ្នករិះគន់ដ៏ដែលបន្ថែមថា៖ ឬមួយអស់លោកសមត្ថកិច្ចជំនាញពាក់ព័ន្ធ ចាត់ទុកប្រសាសន៍ និង បទបញ្ជាររបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា អត់មានប្រសិទ្ធភាព ឬ ម្តេចក៏អស់លោកមិនបង្កាបបណ្តែតបណ្ដោយអោយចំនុចទី៥ កើតមានឡើងរាប់ឆ្នាំបែបនេះ។ មតិប្រជាពលរដ្ឋដែលស្អប់ខ្ពើមល្បែងស៊ីសងនៅក្រុងប៉ោយប៉ែត បន្តថា៖ តើឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ បានជ្រួតជ្រាបរឿងករណីខាងលើដែរឬទេ.? ឬមួយឯកឧត្តម បានដឹងហើយ ឬ ធ្វើជាមិនដឹង ឬ មួយក៏ឯកឧត្តម ទុកបណ្តែតបណ្ដោយ អោយល្បែងស៊ីសងមួយនេះ(អនឡាញ) នៅតែដំណើរការ។
ទោះជាយ៉ាងប្រជាពលរដ្ធសង្ឃឹមថា៖ ឯកឧត្តម អ៊ុំ រាត្រី ដាក់ការស៊ើបអង្កេតទៅលើ អាជ្ញាធរមូលដ្ឋានក្រុង និងសមត្ថកិច្ចជំនាញពាក់ព័ន្ធបីស្ថាប័ន ក្រោមឱវាទរបស់ឯកឧត្តម អោយបានស៊ីជម្រៅ ក្នុងរឿងមិនបង្ក្រាបបនល្បែងស៊ីសងនេះផងទាន ៕
