លោកជំទាវកិត្តិសង្គហបណ្ឌិត ម៉ែន សំអន អញ្ជើញចុះជួបសំណេះសំណាលសួរសុខទុក្ខ និងផ្សព្វផ្សាយវិធានការ នៃការទប់ស្កាត់ការរីរាលដាលនៃជំងឺកូវិដ១៩ នៅក្រុងបាវិត
ខេត្តស្វាយរៀង៖នាព្រឹកថ្ងៃចន្ទ ១៣រោច ខែចេត្រ ឆ្នាំជូត ទោស័ក ព.ស.៣៥៦៣ ត្រូវនឹងថ្ងៃទី២០ ខែមេសា ឆ្នាំ២០២០នេះ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ចអមដំណើរដោយឯកឧត្តម ម៉ែន វិបុល អភិបាល នៃគណៈអភិបាលស្វាយរៀង អញ្ជើញចុះជួបសំណេះសំណាលសួរសុខទុក្ខ និងផ្សព្វផ្សាយវិធានការនៃការទប់ស្កាត់ការរីរាលដាលនៃជំងឺកូវិដ១៩ ដល់មន្ត្រីរាជការ កងកម្លាំប្រដាប់អាវុធនៅក្រុងបាវិត។
មានប្រសាសន៍ក្នុងឱកាសនេះ លោកជំទាវក៏បានពាំនាំនូវការផ្តាំផ្ញើសួរសុខទុក្ខរបស់សម្តេចតេជោ និងសម្តេចកិត្តិព្រឹទ្ធបណ្ឌិតជូនដល់ឯកឧត្តម លោកជំទាវ លោក លោកស្រី ដោយបានលើកឡើងថា សម្តេចទាំងទ្វេរតែងតែគិតគូដល់សុខទុក្ខមន្រ្តីរាជការគ្រប់លំដាប់ថ្នាក់ និងបានជូនពរក្នុងឱកាសបុណ្យចូលឆ្នាំថ្មីដែលទើបនិងកន្លងផុតថ្មីៗនេះដែរ។
លោកជំទាវក៏បានកោតសសើរ និងថ្លែងអំណរគុណដល់ក្រុមការងាររដ្ឋាភិបាលចុះជួយខេត្ត ក្រុង ស្រុក ទាំងអស់រួមទាំងរដ្ឋបាលខេត្តស្វាយរៀង មន្ទីរសុខាភិបាលខេត្តស្វាយរៀង និងរដ្ឋបាលគ្រប់ស្រុក ពិសេស ក្រុងបាវិត ដែលបានរួមគ្នាបំពេញការងារបានយ៉ាងល្អនៅមូលដ្ឋានរៀងៗខ្លួន និងអនុវត្តបានយ៉ាងសកម្មក្នុងការចូលរួមទប់ស្កាត់នូវជម្ងឺកូវីដ១៩ ដែលពិភពលោក ក៏ដូចជាតំបន់បាននឹងកំពុងមានការព្រួយបារម្ភយ៉ាងខ្លាំង ។
លោកជំទាវក៏បានក្រើនរំលឹកជូនដល់បងប្អូនទាំងអស់ អនុវត្តតាមប្រសាសន៍របស់សម្តេចតេជោ ហ៊ុន សែន គឺទី១.ត្រូវរក្សាស្រូវអង្ករទុក ដោយមិនឲ្យមានការនាំចេញទេ និងត្រូររក្សាបំរុងទុកផងដែរនូវ អំបិល ត្រី ដោយមិនឲ្យខ្វះខាតឡើយ។
ទី២.សម្តេចបានជំរុញឲ្យប្រជាពលរដ្ឋពង្រីកការដាំដុះ បន្លែបង្ការចិញ្ចឹម សត្វ ដើម្បីផ្គត់ផ្គង់ទីផ្សារក្នុងស្រុក ដែលកំពុងមានត្រូវការ ខណៈការនាំចូលត្រូវបានកាត់បន្ថយ។
ទី៣. សម្តេចបានបញ្ជាឲ្យក្រសួងកសិកម្ម ជំរុញប្រជាពលរដ្ឋធ្វើការដាំដុះឲ្យបានខ្លាំងក្លា ដើម្បីបំពេញតម្រូវការក្នុងស្រុក ដែលជាកាលានុវត្តន៍ភាពសម្រាប់វិស័យកសិកម្ម។
ទី៤. ចំពោះបញ្ហារោងចក្រផ្អាកដំណើរការ សម្តេចតេជោ ហ៊ុន សែន បានបញ្ជាក់ថា កម្មករម្នាក់ត្រូវទទួលបានថវិកា៧០ដុល្លារក្នុង១ខែ ក្នុងនោះពីរដ្ឋាភិបាល៤០ដុល្លារ និងពីម្ចាស់រោងចក្រ៣០ដុល្លារ ដោយមិនតម្រូវឲ្យហ្វឹកហាត់ជំនាញដូចមុនទេ។
ទី៥. សម្តេចបានប្រកាសបន្តអំពាវនាវសុំការយោគយល់ពីវិស័យឯកជន សុំការបញ្ចុះថ្លៃការជួលទីតាំង។
ទី៦. សម្តេចបានស្នើឲ្យ វិស័យធនាគារមិនត្រូវរឹបអូសដីធ្លីផ្ទះសំបែង និងគួរមានការពន្យារការសងសាង កាត់បន្ថយការប្រាក់ ជាដើម ចំពោះប្រជាពលរដ្ឋដែលរងផលប៉ះពាល់ និង។
ទី៧. ត្រូវថែរក្សាអនាម័យគ្រប់ៗក្រុមគ្រួសារ និងគោរពតាមការណែនាំរបស់ក្រសួងសុខាភិបាល។
លោកជំទាវក៏បានសំណូមពរឲ្យមន្រ្តីរាជការគ្រប់លំដាប់ថ្នាក់ និងសមត្ថកិច្ចពាក់ព័ន្ធទាំងអស់ត្រូវរួមគ្នាអនុវត្ត និងថែរក្សាឲ្យបាន នូវភូមិ-ឃុំ មានសុវត្ថិភាព ដើម្បីចូលរួមចំណែកជាមួយរាជរដ្ឋាភិបាល ក្នុងការអភិវឌ្ឍន៍មូលដ្ឋានរបស់ខ្លួនផងដែរ ជាពិសេស អនុវត្តឲ្យបានតាមវិធានកាណ៍ចំនួន៣ របស់សម្តេចតេជោបានដាក់ចេញ គឺ ទី១. ការទប់ស្កាត់មិនឱ្យមានការបន្តនាំជំងឺចូលមកកម្ពុជា ទី២. ការទប់ស្កាត់នូវការរីករាលដាលនៅក្នុងប្រទេស និង ទី៣. ការព្យាបាលអ្នកដែលបានឆ្លងជំងឺកូវីដ-១៩។
ជាងនេះទៅទៀតលោកជំទាវក៏បានឧបត្ថម្ភដល់១.ជូនសាលាក្រុងបាវិត អង្ករ៤៥០គីឡូក្រា -ត្រីខ១០០កំប៉ុង មី ២កេស សាប៊ូ១០០ដុំអាល់កុល៣០លីត្រ ម៉ាស់៨០០ម៉ាស់។
២.ជូនប៉េអឹម យោធា នគរបាល ដោយក្នុងមួយអង្គភាពទទួលបាន អង្ករ១០០គីឡូក្រាម ត្រីខ៥០កំប៉ុង មី៣កេសតូច សាប៊ូ១០០ដុំ អាល់កុល៣០លីត្រ ម៉ាស់៤០០ម៉ាស់។
៣.ជូនសង្កាត់ ប៉ុស្តិ៍រដ្ឋាបាល យុវជន នារីទាំង៥សង្កាត់ ដោយក្នុងមួយអង្គភាពទទួលបានអង្ករ៥០គីឡូក្រាម ត្រីខ៥០កំប៉ុង មី២កេស សាប៊ូ១០០ដុំ អាល់កុល៣០លីត្រ ម៉ាស់៤០០ម៉ាស់។
៤.សម្រាប់សិស្សានុសិស្ស ៨២នាក់ ម្នាក់ៗទទួលបាន ក្រមា១ និងម៉ាស់របាំងមួយ និងថវិកាមួយចំនួន៕
