ឃាត់ខ្លួនបុរសល្មោភកាមម្នាក់ បន្ទាប់ពីរំលោភសេពសន្ថវៈ ប្រពន្ធគេរហូតបានសម្រេច
ខេត្តសៀមរាប៖រំលោភសេពសន្ថវៈ ប្រពន្ធគេរហូតបានសម្រេច ត្រូវបានកម្លាំងសមត្ថកិច្ច ខេត្តសៀមរាបចាប់ឃាត់ខ្លួន បន្ទាប់ពីទទួលបានពាក្យបណ្តឹងពីជនរងគ្រោះ។
ករណីរំលោភសេពសន្ថវៈបង្កការភ្ញាក់ផ្អើលនេះបានកើតឡើងកាលពីវេលាម៉ោង ជាង១២យប់រំលងអធ្រាត្រឈានចូលថ្ងៃទី១៥ ខែមេសា ឆ្នាំ២០២០។ជនសង្ស័យមានឈ្មោះ អ៊ុត សានីន ភេទប្រុស អាយុ៣៣ឆ្នាំ រស់នៅភូមិព្រៃធ្លក ឃុំខ្នាត ស្រុកពួក ខេត្តសៀមរាបមុខរបរកសិករ។ចំណែកជនរងគ្រោះឈ្មោះ ទ ត ភេទស្រី អាយុ២៤ឆ្នាំ រស់នៅខេត្តសៀមរាប មុខរបរកសិករ។
បើតាមប្រភព័ត៌មានបានឱ្យដឹងថា កាលពីវេលាម៉ោងកើតហេតុខាងលើជនសង្ស័យបានធ្វើសកម្មភាព លបចូលឡើងទៅដេករួមភេទជាមួយជនរងគ្រោះនៅលើផ្ទះបានសម្រេច ខណៈជនរងគ្រោះស្រវឹងស្រាដេកលក់ជាមួយកូន ចំណែកប្តីនាងទៅផឹកស៊ីនៅផ្ទះបងប្អូនមិនទាន់មកដេក។
ក្រោយពីទទួលពាក្យបណ្តឹងពីជនរងគ្រោះ កម្លាំងសមត្ថកិច្ចបានចុះធ្វើការស្រាវជ្រាវរហូតឈានដល់ការនាំខ្លួនជនសង្ស័យ មកប៉ុស្តិ៍ដើម្បីធ្វើការសាកសួរចម្លើយ។នៅចំពោះមុខសមត្ថកិច្ចជនល្មោភកាមបានសារភាពថា ខ្លួនពិតជាបានធ្វើសកម្មភាពលបចូលឡើងទៅដេករួមភេទ សម្រេចជាមួយជនរងគ្រោះពិតប្រាកដមែន ដោយសារតែរូបគេមានចិត្តលួចស្រលាញ់ជនរងគ្រោះ និងមានចំណង់ផ្លូវភេទផងនោះ ខណ:ពេលដែលប្ដីនាងមិននៅផ្ទះ។
បច្ចុប្បន្នជនសង្ស័យ ត្រូវបានសមត្ថកិច្ចឃាត់ខ្លួន និងកសាងសំណុំរឿងដើម្បីចាត់ការតាមនីតិវិធី៕
![]()
![]()
![]()