វាយប្រពន្ធបែកក្បាលដេ៣ថ្នេរ ត្រូវនគរបាលស្រុកលំផាត់ឃាត់ខ្លួន
ខេត្តរតនគិរី៖ជនសង្ស័យដែលត្រូវជាប្តី បានប្រើហឹង្សាវាយប្រពន្ធរបស់ខ្លួនបណ្តាលបែកក្បាលដេចំនួន៣ថ្នេរ ត្រូវបានកម្លាំងអធិការដ្ឋាននគរបាលស្រុកលំផាត់ឃាត់ខ្លួន ពាក់ព័ន្ធករណីប្រើអំពើហិង្សាដោយចេតនា។
ករណីបង្កហិង្សានេះបានកើតឡើងកាលពីវេលាម៉ោងជាង៥ល្ងាចថ្ងៃទី១៥ ខែមេសា ឆ្នាំ២០២០ ត្រង់ចំណុចការដ្ឋានទី៤ ស្ថិតនៅក្នុងភូមិស្រែឈូក ឃុំជ័យឧត្តម ស្រុកលំផាត់ ខេត្តរតនគិរី។
បើតាមសមត្ថកិច្ចបានឱ្យដឹងថា ជនសង្ស័យត្រូវជាប្តីមានឈ្មោះ មាស ពៀ អាយុ៤២ឆ្នាំ ជនជាតិខ្មែរ។ចំណែកជនរងគ្រោះជាប្រពន្ធមានឈ្មោះ ព្រំ ចាន់ អាយុ៣៤ឆ្នាំ ជនជាតិខ្មែរ រងរបួសធ្ងន់ត្រង់ក្បាលដេរ៣ថ្នេរ អ្នកទាំងពីមានទីលំនៅភូមិ/ឃុំកើតហេតុខាងលើ។
បច្ចុប្បន្នជនសង្ស័យត្រូវបានឃាត់ខ្លួនបណ្តោះអាសន្ននៅអធិការដ្ឋាននគរបាលស្រុកលំផាត់ ដើម្បីធ្វើការស្រាវជ្រាវ និងកសាងសំណុំរឿងបញ្ជូនទៅអយ្យការអមសាលាដំបូងខេត្តចាត់ការទៅតាមនិតិវិធី៕
