សាខាកាកបាទក្រហមកម្ពុជា ខេត្តកែបណែនាំ ចុះអប់រំផ្សព្វផ្សាយអំពីវិធីការពារ ដើម្បីប្រឆាំងការឆ្លង Covid.19 តាមការណែនាំរបស់ក្រសួងសុខាភិបាល
ខេត្តកំពត៖ឯកឧត្តម កែន សត្ថា អភិបាល នៃគណៈអភិបាលខេត្តកែប នឹងជាប្រធានគណៈកម្មាធិការសាខាកាកបាទក្រហមកម្ពុជា ខេត្តកែប រួមដំណើរដោយលោកស្រី គឹម ចន្នី ប្រធានអនុសាខាកាកបាទក្រហមកម្ពុជា ស្រុកដំណាក់ចង្អើរ លោក ម៉ែនសុធីរ ប្រធានមន្ទីរសុខាភិបាល ប្រធានស.ស.យ.កស្រុក អ្នកស្មគ្រ័ចិត្តកាកបាទក្រហមភូមិ និងអាជ្ញាធរមូលដ្ឋានបានសហការគ្នា ចុះភូមិកោះសោម ឃុំអង្កោល កាលពីរសៀលថ្ងៃសុក្រ ៣រោច ខែចេត្រ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១០ ខែមេសា ឆ្នាំ២០២០ ដោយបានធ្វើការណែនាំ អប់រំផ្សព្វផ្សាយ អំពីវិធីការពារ លាងសម្អាតដៃដោយសាប៊ូ ទឹកអាល់កុល ដើម្បីប្រឆាំងការឆ្លង Covid.19 តាមការណែនាំរបស់ក្រសួងសុខាភិបាល។
ក្នុងនោះឯកឧត្តមប្រធាន ក៏បានឧបត្ថម្ភដល់ប្រជាពលរដ្ឋ ក្នុងភូមិទទួលបាននូវអង្ករ,ម៉ាស់ ,សាប៊ូម្សៅ, ក្រម៉ា, អាល់កុលលាងដៃ និងផ្ទាំងរូបភាពអប់រំសម្រាប់បិទតាមផ្ទះ សរុបមានចំនួន៤០គ្រួសារ សរុបសម្ភារៈដែលបានចំណាយប្រើប្រាស់ក្នុងការផ្សព្វផ្សាយរួមមាន៖
១-ម៉ាស់មានចំនួន ៣០០ ម៉ាស់
២-ផ្ទាំងរូបភាពចំនួន ១៥០សន្លឹក
៣-សាប៊ូម្សៅចំនួន៤០កញ្ចប់
៤-អង្ករចំនួន៤០កញ្ចប់៕
