បសុព្យាបាល ខេត្តបន្ទាយមានជ័យ ស្ទាក់ចាប់រថយន្តដឹកសត្វគោឆ្លងដែនយ៉ាងកគ្រើក
ខេត្តបន្ទាយមានជ័យ៖ សត្វគោចំនួន៩ក្បាល ដែលឈ្មួញនាំពីប្រទេសថៃ ឆ្លងដែនចូលមកកម្ពុជា តាមច្រករបៀងអូរចារ ជិតក្បែច្រកអូរបីជាន់ ដឹកតាមរថយន្តកូរ៉េពណ៌ខៀវមួយគ្រឿងពាក់ស្លាកលេខបាត់ដំបង 3A-2181 ត្រូវបានកម្លាំងបសុព្យាបាលខេត្តបន្ទាយមានជ័យដឹកនាំដោយលោក ហ៊ុយ ទូចប្រធានបសុព្យាបាលខេត្ត សហការជាមួយនគរបាលស្រុកអូរជ្រៅ ធ្វើការស្ទាក់ចាប់បានទាំងយប់។
កាចុះប្រតិបត្តការណ៍បង្ក្រាបនេះបានធ្វើឡើងកាលពីវេលាម៉ោង២២និង៥០នាទីយប់ ថ្ងៃទី៧ ខែមីនា ឆ្នាំ២០២០ នៅចំណុចមុខវត្តអូរបីជាន់ ស្ថិតនៅភូមិដីថ្មី ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។
បើតាមលោក ហ៊ុយ ទូចប្រធានបសុព្យាបាលខេត្តបានឱ្យដឹងថា ការចុះបង្ក្រាបនេះបានធ្វើឡើងបន្ទាប់ពីបម្រុងដឹកចេញខេត្តបាត់ដំបងហើយត្រូវក្រុមការងារធ្វើការស្ទាក់ចាប់បាននៅចំណុចខាងលើ រួចនាំយកវត្ថុតាងមកការិយាល័យដើម្បីអនុវត្តតាមនីតិវិធីបន្ត៕
