ឃាត់ខ្លួនជនសង្ស័យ១នាក់ ពាក់ពន្ធ័ករណីគ្រឿងញៀន
ខេត្តបាត់ដំបង៖ដោយអនុវត្តតាមការណែនាំរបស់ឯកឧត្តម ឧត្តមសេនីយ៍ទោ អ៊ុច សុខុន ស្នងការ នៃស្នងការដ្ឋាននគរបាលខេត្តបាត់ដំបង ក៏ដូចមតិណែនាំការងារជំនាញពី លោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿងញៀន នៃស្នងការដ្ឋាន កាលពីថ្ងៃ៤ ខែមីនា ឆ្នាំ ២០២០ លោកវរសេនីយ៍ឯក ប៉ាន់ វណ្ណនី អធិការនគរបាលស្រុកបាណន់ បានដឹកនាំកម្លាំងផ្នែកជំនាញ និងប៉ុស្តិ៍នគរបាលរដ្ឋបាលភ្នំសំពៅ ចុះបង្រ្កាបករណីគ្រឿងញៀនខុសច្បាប់ក្នុងមូលដ្ឋានដោយឃាត់ខ្លួនជនសង័្សយបាន០១។
សមត្ថកិច្ចបានឱ្យដឹងថា ជនសង្ស័យមានឈ្មោះ ហ៊ឹម ចាន់ ហៅកឺ ភេទប្រុស អាយុ៣៧ឆ្នាំ មានទីលំនៅក្រុមទី០៦ ភូមិកំពង់ក្របី សង្កាត់ស្វាយប៉ោ ក្រុងបាត់ដំបង ខេត្តបាត់ដំបង។
វត្ថុតាងដកហូតបានរួមមាន៖
-ថ្នាំញៀនប្រភេទមេតំហ្វេតាម៉ីនម៉ាទឹកកកICEចំនួន០១កូនថង់ទម្ងន់១៤,២០ក្រាម
-ម៉ូតូចំនួន០១គ្រឿង
-ទូរស័ព្ទដៃចំនួន០១គ្រឿង
-ប្រាក់រៀលចំនួន០៥ម៉ឺនរៀល។
បច្ចុប្បន្នជនសង្ស័យរួមជាមួយវត្ថុតាងនគរបាលស្រុកបាណន់ បញ្ជូនមកការិយាល័យជំនាញ ដើម្បីរៀបចំសំណុំរឿងបញ្ជូនទៅសាលាដំបូងខេត្តបាត់ដំបង ចាត់ការតាមផ្លូវច្បាប់៕
