ស្នងការនគបាលខេត្តបាត់ដំបង ដឹកនាំប្រតិភូសំណេះសំណាលសួរសុខទុក្ខ កងកម្លាំងនគរបាល វរសេនាតូចការពារព្រំដែនគោកលេខ៨១៧
ខេត្តបាត់ដំបង៖នៅព្រឹកថ្ងៃ ចន្ទ៧កើត ខែ ចេត្រឆ្នាំកុរឯកស័ក ព.ស.២៥៦៣ ត្រូវនឹងថ្ងៃទី៣០ ខែមីនា ឆ្នាំ២០២០ ឯកឧត្តម ឧត្តមសេនីយ៍ទោ អ៊ុចសុខុន ស្នងការ នៃស្នងការដ្ឋាននគបាលខេត្តបាត់ដំបង និងជាមេបញ្ជាការរងនគរបាលជាតិទិសភូមិភាគទី៥ បានដឹកនាំប្រតិភូស្នងការដ្ឋាននគរបាលខេត្តបាត់ដំបង ដែលមានលោក លោកស្រីស្នងការរងនាយ នាយរងការិយាល័យជំនាញ អញ្ជើញជួបសំណេះសំណាលសួរសុខទុក្ខ កងកម្លាំងនគរបាលវរសេនាតូចការពារព្រំដែនគោកលេខ៨១៧ ចំណុះស្នងការដ្ឋាននគរបាលខេត្តបាត់ដំបង ដែលកំពុងឈរជេីងក្នុងភូមិសាស្រ្ត ស្រុកសំពៅលូន ខេត្តបាត់ដំបង។
ក្នុងកិច្ចសំណេះសំណាលនេះឯកឧត្តមស្នងការបានពាំនាំនូវប្រសាសន៍ផ្តាំផ្ញើរបស់សម្តេចក្រឡសហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ប្រសាសន៍ផ្តាំផ្ញើរបស់ឯកឧត្តម នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ ក៏ដូចជាប្រសាសន៍ផ្តាំផ្ញើរបស់ឯកឧត្តម នាយឧត្តមសេនីយ៍ ខេង សុមេធ អគ្គស្នងការរងនិងជាមបញ្ជាការនគរបាលជាតិទិសភូមិភាគទី៤ទី៥ ចំពោះកងកម្លាំងនគរបាលជាតិទាំងអស់ ក្រៅពីការពង្រឹងនូវតួនាទីនិងភារកិច្ចរបស់ខ្លួនក្នុងកិច្ចរក្សាការពារនូវសន្តិសុខ សណ្តាប់ធ្នាប់សង្គម ការការពារនូវបូរណៈភាពទឹកដី សូមឲ្យកងកម្លាំងនគរបាលទាំងអស់ ថែរក្សាការពារខ្លួនឲ្យបានល្អប្រសើរចៀសវាងនូវករណីឆ្លងជម្ងឺCovid-19 ។
ឯកឧត្តមស្នើឲ្យមន្រ្តីនគរបាល ក្រុមគ្រួសារ និងអ្នកជិតខាង ចេះធ្វើអនាម័យតាមការណែនាំរបស់ក្រសួងសុខាភិបាល ករណីមានសមាជិកគ្រួសារណាមួយចំណូលមកថ្មីត្រូវដាក់ខ្លួនដាច់ដោយឡែកក្នុងរយៈពេល១៤ថ្ងៃសិនហើយជូនព័ត៌មានជាបន្ទាន់ទៅដល់មន្រ្តីសុខាភិបាលនៅជិតបំផុត។
ក្រៅពីការធ្វើអនាម័យការហូបចុកត្រូវហូបឲ្យបានគ្រប់គ្រាន់ត្រូវធ្វើលំហាត់ប្រាណជាប្រចាំដើម្បីធ្វើឲ្យសុខភាពយើងមាំមួនល្អប្រសើរ។ បន្ថែមលើនេះកងកម្លាំងនគរបាលត្រូវចូលរួមសហការណ៍ជាមួយអាជ្ញាធរដែនដី សមត្ថកិច្ចជំនាញពាក់ព័ន្ធក្នុងមូលដ្ឋានពិសេសមន្រ្តីសុខាភិបាល ក្នុងការ ផ្សព្វផ្សាយអប់រំដល់ប្រជាពលរដ្ឋ ពិសេសបងប្អូនដែលទើបចំណូលថ្មី។
ជាមួយនឹងការសំណេះសំណាលសួរសុខទុក្ខនេះឯកឧត្តមបាននាំយកនូវថវិកា សម្ភារៈគ្រឿងឧបភោគ បរិភោគប្រគល់ជូនកងកម្លាំងនគរបាលក្នុងមួយវរសេនាតូចទទួលបានរួមមាន៖
ថវិកា
១-សម្តេចក្រឡាហោម ស ខេង និងលោកជំទាវឧបត្ថមថវិកាចំនួន២,០០០,០០០រៀល(ពីរលានរៀល)។
២-ឯកឧត្តម នាយឧត្តមសេនីយ៍សន្តិបណ្ឌិតនេត សាវឿនអគ្គស្នងការនគរបាលជាតិឧបត្ថមថវិកាចំនួន១,០០០,០០០រៀល(មួយលានរៀល)។
៣-ឯកឧត្តម ងួន រតនៈ អភិបាល នៃគណៈអភិបាលខេត្តបាត់ដំបងឧបត្ថមថវិកាចំនួន១,០០០,០០០រៀល(មួយលានរៀល)។
៤-ឯកឧត្តមឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគបាលខេត្តបាត់ដំបងឧបត្ថមថវិកាចំនួន១,០០០,០០០រៀល(មួយលានរៀល)។
-សម្ភារ:គ្រឿងឧបភោគ បរិភោគៈ
-សម្តេចក្រឡាហោម ស ខេងនិងលោកជំទាវឧបត្ថម៖
១-អង្ករចំនួន០២តោន
២-មីចំនួន១០០កេសតូច
៣-សាប៊ូអនាម័យចំនួន២៨៨ដុំ
-ឯកឧត្តម ឧត្តមសេនីយ៍ទោ អ៊ុច សុខុន ឧបត្ថម៖
១-ត្រីខចំនួន០២កេសធំ
២-មីចំនួន០៤កេសធំ
៣-ទឹកក្រូចចំនួន៣០កេស
៤-ទឹកត្រីចំនួន១០យួរ
៥-ទឹកស៊ីអីវចំនួន១០យួរ
៦-ត្រីងៀតចំនួន០៥គីឡូក្រាម
៧-ខ្ទឹមសចំនួន០៥គីឡូក្រាម
៨-ប៊ចេងចំនួន០៥គីឡូក្រាម
៩-ឱសថនិងបរិក្ខាពេទ្យមួយចំនួន៕