ឯកឧត្តម អ៊ុន ចាន់ដា អញ្ជើញជាអធិបតីក្នុងកិច្ចប្រជុំផ្សព្វផ្សាយ ស្តីពីវិធានការទប់ស្កាត់រាតត្បាត នៃជំងឺ កូវីដ-19
ខេត្តកំពង់ចាម៖នារសៀលថ្ងៃចន្ទ ១៥ រោច ខែផល្គុន ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី២៣ ខែមីនា ឆ្នាំ២០២០ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានអញ្ជើញជាអធិបតីក្នុងកិច្ចប្រជុំផ្សព្វផ្សាយ ស្តីពីវិធានការទប់ស្កាត់រាតត្បាតនៃ ជំងឺ កូវីដ-19 ដល់បងប្អូនអាជ្ញាធរមានសមត្ថកិច្ច សម្រាប់ធ្វើការផ្សព្វផ្សាយ ជូនបងប្អូនប្រជាពលរដ្ឋ នៅតាមមូលដ្ឋានរបស់ខ្លួន។
ក្នុងឱកាសនោះឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានលើកឡើង៣ ចំណុចសំខាន់ៗ សម្រាប់ត្រៀមនិងបង្ការការរីករាលដាលនៃជំងឺកូវិត-19 នេះ រួមមាន៖ដាក់ស្នើឲ្យ
បងប្អូនប្រជាពលរដ្ឋណាដែលទើបតែមកពីបណ្ដាប្រទេសនានា ឲ្យពួកគាត់រស់នៅដាច់ដោយឡែករយៈពេល១៤ថ្ងៃសិន ព្រមទាំងពិនិត្យនៅសំណាកសម្រាប់តាមដានថាមានជំងឺ កូវីត-19 នេះឬទេ។ព្រមទាំងធ្វើការអប់រំទៅដល់បងប្អូនប្រជាពលរដ្ឋដែលរស់នៅតាមមូលដ្ឋានឲ្យច្បាស់ពីជំងឺកូវីត-19 នេះ ដោយឆ្លងតាមរយៈអ្វីខ្លះ ដោយធ្វើការសំអាតអនាម័យជាប្រចាំសម្រាប់ខ្លួនឯងនឹងមនុស្សជុំវិញខ្លួន។
ចំណុចសំខាន់មួយទៀតសូមអាជ្ញាធរមូលដ្ឋានធ្វើការផ្សព្វផ្សាយពីសេចក្តីណែនាំ របស់ប្រមុខរាជរដ្ឋាភិបាល ក្រសួងសុខាភិបាល ក្រសួងមហាផ្ទៃ និងរដ្ឋបាលសាលាខេត្ត ដើម្បីជូនជាដំណឹងដល់បងប្អូនប្រជាពលរដ្ឋ ក៏ដូចជាអាជ្ញាធរមានសមត្ថកិច្ច អោយគាត់យល់ដឹង និងអនុវត្ត។
ឯកឧត្តម អភិបាលខេត្ត ក៏បានផ្តាំផ្ញើ ដល់អាជ្ញាធរមានសមត្ថកិច្ច និងគ្រប់សាសនា ត្រូវយកចិត្តទុកដាក់លើមុខសញ្ញាដែលមានការពាក់ព័ន្ធជាមួយជនជាតិ ម៉ាឡេស៊ី ចំនួន០៧នាក់ដែលបានរកឃើញមានផ្ទុកវីរុះកូវីដ-១៩ នៅក្នុងឃុំ រការគយ ឃុំអង្គរបាន និងឃុំពាមជីកង ស្រុកកងមាស ខេត្តកំពង់ចាម តមកទៀតឯកឧត្តមក៏បានអញ្ជើញទៅមើលទីតាំង ដែលមានបងប្អូនប្រជាពលរដ្ឋរបស់យើងបានឆ្លងជំងឺនោះផងដែរ៕
