ឃាត់ខ្លួនជនសង្ស័យចំនួន៣នាក់ ពាក់ពន្ធ័ករណីគ្រឿងញៀន
ខេត្តព្រះសីហនុ៖នារសៀលថ្ងៃទី២១ ខែមីនា ឆ្នាំ២០២០ កម្លាំងកងរាជអាវុធហត្ថ ខេត្តព្រះសីហនុ ផ្នែកប្រឆាំងបទល្មើសគ្រឿងញៀន បានចុះប្រតិបត្តិការបង្ក្រាប និងចាប់ឃាត់ខ្លួនជនសង្ស័យចំនួន៣នាក់ ពាក់ព័ន្ធករណីជួញដូរ និងប្រើប្រាស់ដោយខុសច្បាប់នូវសារធាតុញៀន នៅចំណុចក្រុម១៧ ភូមិ០៣ សង្កាត់លេខ០៤ក្រុងព្រះសីហនុ ខេត្តព្រះសីហនុ។
បើតាមសមត្ថកិច្ច ជនសង្ស័យទាំង៣នាក់ដែលត្រូវបានកម្លាំងសមត្ថកិច្ចចាប់ឃាត់ខ្លួននោះរួមមាន៖ទី១-ឈ្មោះ ឈួន ភក្ដី ភេទប្រុស អាយុ ៣៥ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅបច្ចុប្បន្នក្រុម១ ភូមិ២ សង្កាត់លេខ៣ ក្រុងព្រះសីហនុ ខេត្តព្រះសីហនុ។
ទី២-ឈ្មោះ កែវ ប៊ុនលាង ភេទប្រុស អាយុ៣៩ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅបច្នុប្បន្នភូមិ១ សង្កាត់លេខ២ ក្រុងព្រះសីហនុ ខេត្តព្រះសីហនុនិង។
ទី៣-ឈ្មោះ បែន សុភារី ភេទប្រុស អាយុ៣៣ឆ្នាំ ជនជាតិខ្មែរ មុខរបរលក់ដូរ ទីលំនៅបច្ចុប្បន្នក្រុម៨ ភូមិ៣ សង្កាត់លេខ៤ ក្រុងព្រះសីហនុ ខេត្តព្រះសីហនុ។
សមត្ថកិច្ចបញ្ជាក់ថា ក្រោយពីបង្ក្រាបកម្លាំងដកហូតបាននូវវត្ថុតាងមួយចំនួនរួមមាន៖ ម្ស៉ៅពណ៌សថ្លា សង្ស័យជាគ្រឿងញៀន មេតំហ្វេតាមីន ចំនួន៥កញ្ចប់,ជញ្ជីងថ្លឹងគ្រឿងញៀន១គ្រឿងញៀន,ទូរស័ព្ទដៃចំនួន២គ្រឿង,លុយចំនួន៥ដុល្លារ និងសម្ភារគ្រឿងញៀនមួយចំនួនធំ។
បច្ចុប្បន្ន ជនសង្ស័យ រួមនិងវត្ថុតាង ត្រូវបានសមត្ថកិច្ចជំនាញ កសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធី៕
