អាវុធហត្ថក្រុងប៉ោយប៉ែត ចាប់ឃាត់ខ្លួនជនសង្ស័យចំនួន០៨នាក់ ពាក់ពន្ធ័ករណីគ្រឿងញៀន
បន្ទាយមានជ័យ៖កាលពីវេលាម៉ោង០០/៣០នាទី រំលងអាធ្រាត ថ្ងៃទី១៨ ខែមីនា ឆ្នាំ២០២០ កម្លាំងមូលដ្ឋានកងរាជអាវុធហត្ថក្រុងប៉ោយប៉ែត ដឹកនាំដោយលោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុង បានចុះល្បាតការពារសន្តិសុខ សណ្ដាប់ធ្នាប់ រក្សាសុវត្ថិភាពក្នុងភូមិសាស្រ្តក្រុងប៉ោយប៉ែត លុះដល់ចំណុចបេនចាន ស្ថិតក្នុងភូមិបាលិលេយ្យ២ សង្កាត់/ក្រុងប៉ោយប៉ែត ខេត្តបន្ទាយមានជ័យ បានធ្វើការបង្ក្រាបករណីប្រើប្រាស់ដោយខុសច្បាប់នូវសារធាតុញៀន និងធ្វើការឃាត់ខ្លួនជនសង្ស័យបានចំនួន០៨នាក់ ហើយបញ្ជូនមកបញ្ជាការមូលដ្ឋាន អ.ហ ក្រុង ដើម្បីសាកសួរ។
លោកវរសេនីយ៍ត្រី នួន នីណារ៉ូ បានឱ្យដឹងថា ជនសង្ស័យទាំង០៨នាក់ ដែលកម្លាំងឃាត់ខ្លួននោះរួមនា៖
១/.ឈ្មោះ ប៊ុន មេសា (យ៉ម) ភេទប្រុស អាយុ២៣ឆ្នាំ
២/. ឈ្មោះ ឈន វៃ ភេទប្រុស អាយុ២៣ឆ្នាំ អ្នកទាំងពីររស់នៅភូមិបាលិលេយ្យ២ សង្កាត់/ក្រុងប៉ោយប៉ែត ខេត្តបន្ទាយមានជ័យ
៣/. ឈ្មោះ ពឿន ស្រីស្រស់ ភេទស្រី អាយុ១៨ឆ្នាំ
៤/. ឈ្មោះ អេង សាវុធ ភេទប្រុស អាយុ២១ឆ្នាំ អ្នកទាំងពីររស់នៅភូមិអូរជ្រៅ សង្កាត់/ក្រុងប៉ោយប៉ែត ខេត្តបន្ទាយមានជ័យ
៥/. ឈ្មោះ រ៉ន ប្រុសពេជ្រ ភេទប្រុស អាយុ១៦ឆ្នាំ រស់នៅភូមិគីឡូម៉ែត្រលេខ៤ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ
៦/. ឈ្មោះ នី រ័ត្ន ភេទស្រី អាយុ១៨ឆ្នាំ រស់នៅស្តង់បេនចាន ភូមិបាលិលេយ្យ២ សង្កាត់/ក្រុងប៉ោយប៉ែត ខេត្តបន្ទាយមានជ័យ
៧/. ឈ្មោះ ប៊ុន ចិត្រា ភេទប្រុស អាយុ២៦ឆ្នាំ រស់នៅភូមិបាលិលេយ្យ២ សង្កាត់/ក្រុងប៉ោយប៉ែត ខេត្តបន្ទាយមានជ័យ
៨/. ឈ្មោះ បៀវ ទី ភេទស្រី អាយុ២០ឆ្នាំ រស់នៅភូមិបាលិលេយ្យ២ សង្កាត់/ក្រុងប៉ោយប៉ែត ខេត្តបន្ទាយមានជ័យ
ជនសង្ស័យទាំង០៨នាក់ ក្រោយពីធ្វើការសាកសួរនិងធ្វើតេស្តទឹកនោម ឃើញថា ពួកគេពិតជាបានប្រើប្រាស់នូវសារធាតុញៀនពិតប្រាកដមែន។
ជនសង្ស័យទាំង០៨នាក់ ត្រូវបានកម្លាំងអាវុហត្ថក្រុងប៉ោយប៉ែត បញ្ជូនមកបញ្ជាការដ្ឋានកងរាជអាវុធហត្ថខេត្តចាត់ការបន្ត។បច្ចុប្បន្នជនសង្ស័យត្រូវបានកម្លាំងការិយាល័យជំនាញបទល្មើសគ្រឿងញៀនកសាងសំណុំរឿងបញ្ជូនទៅសាលាដំបូងខេត្តដើម្បីចាត់ការតាមនីតិវិធី៕
