រថយន្តដឹកខ្សាច់និងថ្មរាប់សិបគ្រឿងកំពុងបើកគេចស្ថានីយ៍ថ្លឹងរថយន្តនៅភូមិកូនដំរីខណ:ដែលមន្ត្រីជំនាញមិនអើពើ.......
(ខេត្តបន្ទាយមានជ័យ)
រថយន្តជាច្រើនគ្រឿងដឹកខ្សាច់និងថ្មសុទ្ធតែប្រភេទយីឌុបនៅលើផ្លូវជាតិលេខ 5 បានធ្វើសកម្មភាពបើកគេចស្ថានីយ៌ថ្លឹងរថយន្តនៅភូមិកូនដំរីសង្កាត់និមិត្តក្រុងប៉ោយប៉ែត ខេត្តបន្ទាយមានជ័យក្នុងមួយថ្ងៃៗរាប់សិបគ្រឿង។ រថយន្តដឹកខ្សាច់ថ្មទាំងនេះមុនចូលដល់ក្រុងប៉ោយប៉ែតបានបើកវាងពីផ្លូវជាតិលេខ 5 ចំណុចព្រំប្រទល់ស្រុកអូរជ្រៅ និងក្រុងប៉ោយប៉ែត ដោយបើកតាមផ្លូវជាតិលេខ258Dលុះទៅដល់ផ្លូវបំបែកជាបួនក្នុងឃុំអូរបីជាន់ស្រុកអូរជ្រៅ(ចំណុចភ្លើងស្តុប)ទើបបត់ឡើងតាមផ្លូវជាតិ58ចូលក្រុងប៉ោយប៉ែតព្រោះផ្លូវទាំង2ខ្សែខាងលើនេះគ្មានស្ថានីយ៌ថ្លឹងរថយន្តនោះទេ។ ប្រភពថារថយន្តដឹកខ្សាច់ថ្មទាំងនេះមកពីខេត្តពោធិសាត់ហើយដឹកលើសទម្ងន់ដែលច្បាប់បានកំណត់ទៀតផង។ ប្រភពបន្តទៀតថាក្រុមរថយន្តដឹកខ្សាច់ថ្មខាងលើមិនហ៊ានបើកបរពេលថ្ងៃទេគឺចេញពីខេត្តពោធិសាត់វេលាទាំងយប់លុះជិតភ្លឺឡើងចូលដល់ក្រុងប៉ោយប៉ែតព្រោងព្រៀត។ ពាក់ព័ន្ធករណីនេះផងដែរពលរដ្ឋរិៈគន់ថាបើស្ថាប័នជំនាញមិនមានចាត់វិធានការធ្វើឲ្យផ្លូវជាតិនាៗនិងតាមបណ្ដាខេត្តដែលឆ្លងកាត់ក៌ដូចជាផ្លូវលំនៅក្រុងប៉ោយប៉ែតប្រាកដជាខូចខ្ទេចខ្ទីអស់ហើយនៅពេលខាងមុខជាក់ជាមិនខាន។ រឿងរ៉ាវខាងលើអង្គភាពគេហទំព័ររស្មីជាយដែនយើងបានខលទៅលោក ប៉ាល់សុមេដា ប្រធានស្ថានីយ៌ថ្លឹងរថយន្តកូនដំរីនៅរសៀលថ្ងៃទី៨ ខែកុម្ភៈឆ្នាំ ២០២០ វេលាម៉ោង ២:៥០នាទី ខលចូល២ដងតែលោកមិនបានទទួលនោះទេ៕ មានភាគបន្ត
