គ្រាប់យុទ្ធភ័ណ្ឌ មិនទាន់ផ្ទុះចំនួន៤គ្រាប់ ត្រូវបានពលរដ្ឋ ប្រទះឃើញនៅស្រុកភ្នំព្រឹក
ខេត្តបាត់ដំបង៖គ្រាប់មិនទាន់ផ្ទុះចំនួន៤គ្រាប់ដែលបន្សល់ទុកតាំងពីសម័យសង្គ្រាម ត្រូវបានពលរដ្ឋប្រទះឃើញនៅព្រឹកថ្ងៃទី២៧ ខែកុម្ភះ ឆ្នាំ២០២០ ត្រង់ចំណុចឡានក្រឡាប់ ស្ថិតក្នុងភូមិបេងស្អាត ឃុំភ្នំព្រឹក ស្រុកភ្នំព្រឹក ខេត្តបាត់ដំបង។
បើតាមលោកវរសេនីយ៍ទោ សារ៉េត វិសេដ្ឋ អធិការនគរបាលស្រុកភ្នំព្រឹកបានឲ្យដឹងថា គ្រាប់យុទ្ធភ័ណ្ឌមិនទាន់ផ្ទុះចំនួន០៤គ្រាប់ ដែលត្រូវបានប្រជាពលរដ្ឋប្រទះឃើញខាងលើ ក្នុងនោះមានគ្រាប់មីនចំនួន០៣គ្រាប់,មីន៦៩ចំនួន០២គ្រាប់,មីនស្គរចំនួន០១គ្រាប់ និងគ្រាប់បែកផលិតនៅប្រទេសចិនចំនួន០១គ្រាប់ ដែលគ្រាប់ទាំងនេះបានបន្សល់ទុកតាំងពីសម័យសង្គ្រាមមកម្ល៉េះ។
លោកអធិការបានបញ្ជាក់ថា បន្ទាប់ពីទទួលបានសេចក្តីរាយការណ៍សមត្ថកិច្ចជំនាញរបស់លោក បានសហការណ៍ជាមួយភ្នាក់ងារស៊ីម៉ាក់ (CMAC)ប្រចាំស្រុកភ្នំព្រឹកចុះទៅពិនិត្យជាក់ស្តែង និងបានធ្វើការហុំព័ទ្ធ ដើម្បីរងចាំមន្ត្រីជំនាញមកទទួលប្រមូលយកដើម្បីធ្វើការដុតកំទេចចោល៕
