ថ្ងៃអង្គារ៍ ទី០៣ ខែសីហា ឆ្នាំ២០២១
គេហទំព័រដំណឹងពិស្តារ | ទំនាក់ទំនងចាងហ្វាងការផ្សាយៈ 092 556 567
អំពើពុក​រលួយរបស់​លោក ភ្លន់ តារា អតីតមេយោធា​ខេត្តបន្ទាយមានជ័យ ​ត្រូវបានលាតត្រដាង ជា​សាធារណៈ
Wed,26 February 2020 (Time 02:30 PM)
ដោយ ៖ រស្មីជាយដែន (ចំនួនអ្នកអាន: 531នាក់)


ខេត្តបន្ទាយមានជ័យ៖លោកឧត្តមសេនីយ៍ទោ ភ្លន់ តារា អតីតមេយោធា​ខេត្តបន្ទាយមានជ័យ បច្ចុប្បន្ន ជាមេបញ្ជា​ការង យោធភូមិភាគទី៥ ត្រូវបានបែកធ្លាយនូវអំពើ​ពុករលួយ​រឿងយកឯកសារ ដីរបស់​អង្គភាពកងទ័ពបង្កបង្កើនផល១៥០ហិកតា នៅស្រុកភ្នំស្រុក ទៅលក់ឲ្យឈ្មួញ ស៊ីដាច់​ថ្នាក់​ក្រោម ដោយរំលោភទំនុកចិត្តថ្នាក់​លើបំពានលើលក្ខន្តិកៈកងទ័ព បានធ្វើអោយមានប្រតិកម្ម ពីថ្នាក់​លើឈាន​ដល់អង្គភាពយោធភូមិភាគទី៥ បានបង្កើតគណៈកម្មការចុះស្រាវជ្រាវ ឡើងវិញ​ក្នុងរឿង​នេះ។

បើយោងតាមរយៈឯកសារ បានបង្ហាញថា លោកឧត្តមសេនីយ៍ទោ ភ្លន់ តារា អតីតមេបញ្ជាការតំ​បន់ប្រតិបត្តិការសឹករង​ ខេត្តបន្ទាយមានជ័យ បានប្រមូលយកដីចំនួន១៥០ហិកតានៅទីតាំង ភូមិ​ត្រពាំងស្វាយ ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ សម្រាប់កងទ័ពបង្កបង្កើនផល និងចិ​ញ្ចឹមសត្វទៅលក់ឲ្យ ឈ្មួញជាបន្តបន្ទាប់ចាប់ពីអំឡុងឆ្នាំ២០១២ រហូតដល់ដើមឆ្នាំ២០១៦។

ប៉ុន្តែត្រូវបែកធ្លាយមុននេះប្រមាណ១សប្តាហ៍ អាចនឹងឈា​នដល់មានការផ្តន្ទាទោស ឬអនុវត្តតា​មលក្ខន្តិកៈកងទ័ព ប្រសិន​បើការស្រាវជ្រាវការកោះ​ហៅអ្នក ដែលពាក់ព័ន្ធ​សាក្សី រកឃើញថា លោ​កផ្កាយ២ ភ្លន់ តារា មានពាក់ព័ន្ធជាប់ ក្នុងអំពើល្មើសច្បាប់យក ដីអង្គភាព១៥០ហិកតា នោះ​លក់​អោយ​ឈ្មួញពិត​ប្រាកដមែន​។

គួ​រម្លឹកថា កាលពី​ថ្ងៃទី២ ខែតុលា ឆ្នាំ២០១២ លោក ភ្លន់ តារា អតីតមេបញ្ជាការ តំបន់ប្រតិបត្តិកា​រសឹក​រង ខេត្តប​ន្ទាយមានជ័យ បាន​ធ្វើសំ​ណើរ​មួយច្បាប់ទៅកាន់​ឯកឧត្តម អ៊ុងអឿន កាន់តំ​ណែងជា អភិបាល នៃគណៈអភិបាល ខេត្តបន្ទាយមានជ័យ។ស្នើ​សុំអនុញ្ញាត​ ប្រើប្រាស់ដីស្រែ​ចំនួន​១៥០ហិកតា ស្ថិតនៅភូមិត្រពាំងស្វាយ ឃុំប៉ោយចារ ស្រុក​ភ្នំស្រុក ខេត្តបន្ទាយមានជ័យ ដើម្បី​ឲ្យយោធាខេត្តដុង​ថាប់ ភូមិភាគទី៩ នៃកងទ័ពប្រទេស វៀតណាម មកជួយផ្នែកបច្ចេកទេស កសិក​ម្មបង្កបង្កើនផល និងចិញ្ចឹមសត្វដល់យោធាកម្ពុជា។

ដីស្រែខាងលើនេះ គឺវរៈសេនាតូច​លេខ១ ចំណុះតំបន់ប្រតិបត្តិការ សឹករងបន្ទាយមានជ័យ បាន​ប្រើប្រាស់ធ្វើស្រែ និងចិញ្ចឹមសត្វពា​ហនៈផ្សេងៗ ចាប់តាំងពីឆ្នាំ២០០១ រហូតដល់បច្ចុប្បន្ន (២០​១២)ហើយដីនេះ ពុំមានជាប់ព័ន្ធជាមួយ ប្រជាពល​រដ្ឋនោះឡើយ។

តាមរយៈឯកសារ កិច្ចសន្យាទិញ​លក់ដី បានឲ្យដឹងថា ក្រោយពីការស្នើសុំបាន ដី១៥០ហិ​កតាខា​ងលើ នេះពីរដ្ឋបាលខេត្ត បានរួចហើយ លោកឧត្តមសេនីយ៍ទោ ភ្លន់ តារា មិនបានយកដីទាំងនោះ ទៅ​ឲ្យកងទ័ពបង្កបង្កើន ផលនិងចិញ្ចឹម សត្វនោះទេ ផ្ទុយទៅវិញគាត់បានយកដីទាំងនោះទៅ លក់​ឲ្យឈ្មួញចំនួន៨នាក់ ចាប់ពីអំឡុងឆ្នាំ២០១២ រហូតដល់ដើមឆ្នាំ២០១៦ និងទើបប្រមូល លុយបាន​អស់ នៅក្នុងឆ្នាំ២០១៨ ក្នុងតំលៃរាប់ម៉ឺ​នរាប់សែនដុល្លា។ប៉ុន្តែរឿងនេះបានដឹង ដល់ថ្នាក់​លើនៅ​ថ្ងៃទី១៣ ខែកុម្ភៈ ឆ្នាំ២០២០បញ្ជាដាច់ណាត់អោយអង្គភាព យោធភូមិភាគទី៥ ធ្វើកិច្ចការស្រាវជ្រា វដោ​យប្រញ៉ាប់បំផុត។

ពាក់ព័ន្ធករណីនេះ អង្គភាពសារព័ត៌មានយើ មិនអាចទាក់ទងសុំការ បំភ្លឺបានទេពីលោកផ្កាយ២ ភ្លន់ តារា បានទេពីព្រោះ លេខទូសព្ទ័បានបិទរហូតនៅរសៀលថ្ងៃទី២៣ ខែកុម្ភៈ ឆ្នាំ២០២០ រហូតម​កទល់ពេលនេះ។ប៉ុន្តែលោក សេង គី អតីតអភិបាល ស្រុកភ្នំស្រុក បានប្រាប់ អង្គភាពសារព័ត៌មាន យើងនាល្ងាចថ្ងៃទី២៣ ខែកុម្ភៈ​ ឆ្នាំ២០២០ថា សូមមើ​លឯកសារទៅករណីខ្ញុំបានចុះហត្ថលេខានោះ គឺក្នុងនា​មប្រគល់ អោយអង្គភាពសឹករងខេត្តបន្ទាយមានជ័យ។​ដីនេះជាដីរបស់រដ្ឋ​គ្រប់គ្រង​ដោយសាលាខេត្តបន្ទាយ​មានជ័យ ហើយអង្គភាពសឹករង ខេត្តបន្ទាយមានជ័យ ក៏ជាអង្គភាព​របស់រដ្ឋ ទើបលោ​កហ៊ានចុះហត្ថលេខាឲ្យ។

លោក សេង គី អតីតអភិបាលស្រុកភ្នំស្រុកបានបន្តថា បើកាត់ឲ្យឯកជនវិញកុំថាឡើយដល់ ទំហំ​ដីជាង១០០ហិកតា សូម្បីតែ១ហិកតា ក៏លោកមិនហ៊ានចុះហត្ថលេខាដែរ ព្រោះជាដីរបស់រដ្ឋ។ចំណែក​លោកឧត្តមសេនីយ៍ត្រី  ជឹម ប៊ុនអាន មេបញ្ជាការតំបន់ប្រតិបត្តិការសឹករង បន្ទាយមានជ័យ បា​នទទួលស្គាល់ថា ដី១៥០ហិកតាដែលស្ថិតនៅភូមិត្រពាំងស្វាយ ឃុំប៉ោយចារ ស្រុកភ្នំស្រុក ខេត្តបន្ទាយ​មានជ័យ ជាដីអង្គភាពកងទ័ពពិត​ប្រាកដមែន កាលនោះលោកជាកូនចៅ គេមិន​ហ៊ាន​តវ៉ាទេ ខ្លាចមេចោទប្រកាន់​ថា គាត់ប្តឹងបើកកកាយរឿងមេលក់ដីអង្គភាពនេះ។

ក្នុងនោះលោក​ឧត្តមសេនីយ៍ត្រី ជឹម ប៊ុនអាន បានប្រាប់ដឹង តាមទូរស័ព្ទទៀតថា ថាជុំវិញ​រឿងនេះ​ថ្នាក់លើ បានចុះ​មកស្រាវជ្រាវបន្ត។ហើយប៉ុន្មានថ្ងៃ​នេះលោកក៏ បានឆ្លើយប្រាប់ផង ដែរថា ដីនេះជាដីអង្គភាព តំបន់ប្រតិបត្តិសឹករង បន្ទាយមានជ័យ ចំពោះបុគ្គល​យកទៅលក់អោយឯកជន ជារឿងរប​ស់គាត់ ដោយសារសម័យនោះរូបលោកជាកូនចៅគឺគ្មានសិទ្ធឡើយ។

លោកឧត្តមសេនីយ៍ត្រី បានបន្ថែមទៀតថា បច្ចុប្បន្ននេះថ្នាក់​លើបានចុះមកធ្វើអធិការកិច្ចហើយ រូប​លោកបានត្រឹមតែចាំ ឆ្លើយប៉ុណ្ណោះ បន្ទាប់ពីខាងយោធភូមិភាគទី៥ កំពុងសើររើរឿងដីនេះ។ សូមបញ្ជាក់ថា បញ្ហាលោកផ្កាយ២ ភ្លន់ តារា យកដីរដ្ឋទំ​ហំ១៥០ហិកតា មិនអាចពាក់ព័ន្ធនិងលោក  ឧត្តមសេនីយ៍ត្រី ជឹម ប៊ុនអាន មេបញ្ជាការ តំបន់ប្រតិបត្តិសឹករង បន្ទាយមានជ័យដែល ឡើងមកថ្មី ខណៈពេល​នោះគាត់ មានឆន្ទៈធ្វើរបាយការណ៍ ក្នុងរឿងនេះជូនថ្នាក់​លើពីទំហំដី១៥០ហិកតា ដែល​ស្ថិតក្នុងការ គ្រប់គ្រងរបស់អង្គភាព ត្រូវបានបាត់បង់ ហើយដល់បែក ធ្លាយទើបលោក ហ៊ាន​ចេញមុខថាដី​១៥០ហិកតា ដែលលោកផ្កាយ២ ភ្លន់ តារា បានយកទៅលក់ អោយឯកជន គឺជាដីរប​ស់អង្គភាព។ ជុំវិញខាងរឿងដីលើនេះ លោកឧត្តមសេនីយ៍ឯក ឯក សំអូន មេបញ្ជាការ យោធ​ភូមិភាគទី៥ បានអោយដឹងថា លោកបានចាត់ចែង បង្កើតគណៈកម្មការរួចហើយ បន្ទាប់ពីទទួល ដំណឹងថា លោក ភ្លន់ តារា ត្រូវបានគេផ្សព្វផ្សាយ និងថ្នាក់តម្រូវអោយ ពិនិត្យឡើងវិញ៕

ព័ត៌មានគួរចាប់អារម្មណ៍

ក្រុមឈ្មួញឈើនៅតែបន្តនាំគ្នាចូលទៅកាប់បំផ្លាញ និងដឹកជញ្ជួនបទល្មើសព្រៃឈើយ៉ាងគគ្រឹកគគ្រេង ចេញពីដែនអភិរក្សសត្វព្រៃបឹងពេ រីឯមន្រ្តីបរិស្ថាននៅតាមគោលដៅនីមួយៗ ក្នុងស្រុកជីក្រែងកំពុង..... (សហការី)

ព័ត៌មានគួរចាប់អារម្មណ៍

អាជ្ញាធម៌ក្រុងប៉ោយប៉ែត ព្រមានអនុវត្តន៍ ចាត់វិធានការតាមផ្លូវច្បាប់ ចំពោះអ្នកមិនគោរព បំរាមគោចរ នៅតែបំពាន បន្តធ្វើដំណើរ និងធ្វើសកម្មភាព ផ្សេងក្នុងម៉ោង ហាមឃាត់... (លោក ម៉េង សាន)

ព័ត៌មានគួរចាប់អារម្មណ៍

បទល្មើសព្រៃឈើនៅក្នុងស្រុកជីក្រែង ខេត្តសៀមរាប នៅតែបន្ត ខណៈដែលមន្រ្តីជំនាញកំពុងសប្បាយចិត្តក្នុងការប្រមូលលុយពីក្រុមឈ្មួញ.... (សហការី)

ព័ត៌មានគួរចាប់អារម្មណ៍

កម្លាំងនគរបាលក្រុងប៉ោយប៉ែត ឃាត់ខ្លួនជនល្មើស ដែលលួចដោះម៉ាសុីនត្រជាក់ និងកាត់ខ្សែរភ្លើង បានចំនួន ៩ នាក់ (លោក ម៉េង សាន)

ព័ត៌មានគួរចាប់អារម្មណ៍

លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ នៅតែបន្តចែកស្បៀងជូនដល់បងប្អូនប្រជាពលរដ្ឋជួបការខ្វះខាត (លោក ម៉េង សាន)

វីដែអូ

ចំនួនអ្នកទស្សនា

ថ្ងៃនេះ :
4986 នាក់
ម្សិលមិញ :
9763 នាក់
សប្តាហ៍នេះ :
69762 នាក់
ខែនេះ :
332521 នាក់
3 ខែនេះ :
1070152 នាក់
សរុប :
4164477 នាក់