នគរបាលក្រុងប៉ោយប៉ែតឃាត់ខ្លួនជនសង្ស័យប្រើហិង្សាទៅលើបងប្អូនអ្នកជិតខាងយកទៅសួរនាំ........
ក្រុងប៉ោយប៉ែត៖ នៅថ្ងៃអាទិត្យ៨រោច ខែមាឃ ឆ្នាំកុរ ឯកស័ក ពុទ្ធសករាជ ២៥៦៣ ត្រូវនឹងថ្ងៃទី១៦ ខែកុម្ភៈ ឆ្នាំ២០២០ នៅវេលាម៉ោង ២២/១០នាទី ឃាត់ខ្លួនជនសង្ស័យមា្នក់មានឈ្មោះ ទូច ចាន់រឿន ភេទប្រុស អាយុ៤០ឆ្នាំ ស្នាក់នៅភូមិបាលិលេយ្យ ១ សង្កាត់/ក្រុងប៉ោយប៉ែត ខេត្តបន្ទាយមានជ័យ បានបង្កហិង្សាជាមួយបងប្អូន(អ្នកជិតខាង)។
ក្រោយមកកម្លាំងនគរបាលជំនាញព្រហ្មទណ្ឌ បានទៅដល់កន្លែងកើតហេតុខាងលើ និងបាននាំខ្លួនជនបង្ក ទៅអធិការដ្ធាននគរបាលក្រុងប៉ោយប៉ែតដើម្បីធ្វើការសួរនាំ និងធ្វើតេស្តស្វែងរកសារធាតុញៀន ក្រោយពិត្យទឹកនោមរួច លទ្ធផល + វិជ្ជមាន។ ទើបកម្លាំងជំនាញនគរបាលប្រឆាំងគ្រឿងញៀនក្រុងប៉ោយប៉ែតសម្រេចចិត្តធ្វើការឃាត់ខ្លួនតែម្តង បច្ចុប្បន្ន៖ ជនសង្ស័យរួមវត្ថុតាងកំពុងនៅអធិការដ្ឋាននគរបាលក្រុងដើម្បីចាត់ការតាមនិតវិធី។
