សមត្ថកិច្ចចរាចរណ៍ផ្លូវគោក ខេត្តកំពង់ឆ្នាំង ធ្វើការផាកពិន័យទៅលើរថយន្តដឹកដីល្មើសច្បាប់ និងរយន្តដឹកសំពីងសំពោងជាច្រើនគ្រឿង......
ខេត្តកំពង់ឆ្នាំង៖ នៅព្រឹកថ្ងៃទី០៤ ខែមករា ឆ្នាំ២០២០ រថយន្តដឹកដីជាច្រើនគ្រឿងត្រូវកម្លាំងចរាចរណ៍ផ្លូវគោកខេត្តធ្វើការឃាត់និងធ្វើការផាកពិនយ័ ការចុះរត្រួតពិនិត្យនេះធ្វើឡើងនៅលើកំណាត់ផ្លូវជាតិលេខ ៥ ស្ថិតនៅក្នុងស្រុកសាមគ្គីមានជ័យ ខេត្តកំពង់ឆ្នាំង ជាប់ព្រំប្រទល់ស្រុកឧត្តុង្គ ខេត្តកំពង់ស្ពឺ កម្លាំងការិយាល័យនគរបាលចរាចរណ៍ផ្លូវគោក ដឹកនាំដោយលោកឧត្តមសេនីយ៍ត្រី កេត យ៉ុង ស្នងការរងទទួលការងារចរាចរណ៍ផ្លូវគោក និងទេសចរណ៍នៃស្នងការដ្ឋាននគរបាលខេត្តកំពង់ឆ្នាំង បានដឹកនាំកម្លាំងសមត្ថកិច្ចចរាចរណ៍ ចុះប្រតិបត្តិការត្រួតពិនិត្យបច្ចេកទេស និង ធ្វើការផាកពិន័យចំពោះរថយន្តដឹកដី និងរថយន្តដឹកសំពីងសំពោង តាមបណ្ដោយផ្លូវ ជាតិលេខ ៥ ក្រោយពីសង្កេតឃើញមានភាពអនាធិបតេយ្យក្នុងការដឹកដីលើផ្លូវជាតិ និងរថយន្តដឹកសំពីងសំពោង ដោយមិនមានស្លាកលេខ និងឯកសារត្រឹមត្រូវ។
លោក កេត យ៉ុង ស្នងការរងទទួលផែនចរាចរណ៍ នៃស្នងការដ្ឋាននគរបាលខេត្តកំពង់ឆ្នាំង បានអោយដឹងថា: ការចុះអនុវត្តត្រួតពិនិត្យទៅលើ រថយន្ត ដឹកដីនៅក្នុងពេលនេះ គឺអនុវត្តតាមផែនការណ៍របស់គណៈកម្មាធិការសុវត្ថិភាពចរាចរណ៍ផ្លូវគោក និងជាបទបញ្ជារបស់លោកឧត្តមសេនីយ៍ទោ ខូវ លី ស្នងការនគរបាលខេត្តកំពង់ឆ្នាំង ក្នុងគោល បំណង ទប់ស្កាត់និងកាត់បន្ថយគ្រោះ ថ្នាក់ចរាចរណ៍ផ្លូវគោក អោយបានជាអតិបរិមា និងដើម្បីរៀបចំសណ្តាប់ធ្នាប់ចរាចរណ៍ផ្លូវគោកអោយមានភាពល្អប្រសើរជាលំដាប់ក្នុងការចូលរួមអនុវត្តច្បាប់ ស្តីពីចរាចរណ៍ផ្លូវគោក ពីអ្នកប្រើប្រាស់ផ្លូវ។ក្នុងពេលចុះត្រួតពិនិត្យនេះផងដែរ។
សមត្ថកិច្ចបានរកឃើញ រថយន្តអត់ផ្លាកលេខ ខ្វះឯកសារប័ណ្ណបើកបរ ខ្វះប័ណ្ណសំគាល់យានយន្ត លិខិតអាជីវកម្មដឹកជញ្ជូន និងអ្នកបើកបរមិនទាន់គ្រប់អាយុជាដើម ដែលកំហុសទាំងនេះត្រូវបានអនុវត្តផាកពិន័យតាមអនុក្រឹតលេខ៤៤ស្តីពីការពិន័យអន្តរការ អំពី អំពើល្មើសក្នុងច្បាប់ស្តីចរាចរណ៍ផ្លូវគោក។ ក្នុងប្រតិបត្តិការពេញមួយព្រឹកនេះ កម្លាំងនគរ បាលចរាចរណ៍ខេត្តបានឃាត់រយន្តដឹកដីប្រមាណជិត៣០គ្រឿងមក ធ្វើការត្រូត ពិនិត្យ និងផាកពិន័យ។
ក្នុងនោះផងដែរលោកឧត្តមសេនីយ៍ត្រី កេត យ៉ុង បានសំណូមពរដល់អ្នកប្រើប្រាស់ផ្លូវទាំងអស់ សូមចូលរួមគោរពច្បាប់ចរាចរណ៍ផ្លូវគោក ទាំងអស់គ្នា ជាពិសេសបងប្អូនដែលមានយានយន្តគ្រប់ប្រភេទ ត្រូវមានឯកសារគ្រប់គ្រាន់ មុននឹងធ្វើចរាចរណ៍នៅលើដងផ្លូវ៕
