កម្លាំងនគរបាលស្រុកគិរីវង់ បង្រ្កាបបានជនសង្ស័យ២នាក់ ខណៈកំពុងជិះដឹកកញ្ឆា
ខេត្តតាកែវ៖ដោយមានការចង្អុលបង្ហាញពីសំណាក់លោកឧត្តមសេនីយ៍ទោ សុខ សំណាង ស្នងការ នៃស្នងការដ្ឋាននគរបាលខេត្តតាកែវ នៅថ្ងៃព្រហស្បតិ៍០៣រោច ខែមិគសិរ ឆ្នាំជូតទោស័កព,ស ២៥៦៤ ត្រូវនឹងថ្ងៃទី០៣ ខែធ្នូ ឆ្នាំ២០២០ វេលាម៉ោង០៥និង១៥នាទីព្រឹក លោកវរសេនីយ៍ឯក យុគ សារ៉ាត់ អធិការនគរបាលស្រុក បានដឹកនាំកម្លាំងជំនាញ សហការជាមួយកម្លាំងប៉ុស្តិ៍នគរបាលរដ្ឋបាលគោកព្រេច ចេញល្បាតក្នុងភូមិសាស្រ្ត លុះមកដល់ចំណុចផ្លូវលំក្រោយភូមិ ស្ថិតភូមិចំបក់ ឃុំគោកព្រេច ស្រុកគិរីវង់ ខេត្តតាកែវ បានប្រទះឃើញមុខសញ្ញាជនសង្ស័យ២នាក់ កំពុងជិៈម៉ូតូក្នុងសភាពលឿន និងមានការភ័យខ្លាច ក្នុងនោៈសមត្ថកិច្ចបានធ្វើការឃាត់សួរនាំក៏ឃើញកញ្ឆាស្រស់ ក្នុងបាវ ភ្លាមនោះសមត្ថកិច្ចបានធ្វើការឃាត់ខ្លួនមុខសញ្ញាទាំង២នាក់នោៈ
១.ជនសង្ស័ឈ្មោៈ អិន ឡង់ឌីវិថេន ភេទប្រុស អាយុ២៤ឆ្នាំ នៅភូមិក្បាលដំរី ឃុំគោកព្រេច ស្រុកគិរីវង់ ខេត្តតាកែវ
២.ជនសង្ស័យ ឈ្មោះ ផល ភេន ភេទប្រុស អាយុ២៤ឆ្នាំ នៅភូមិដើមរំដែល ឃុំ សោម ស្រុកគិរីវង់ ខេត្តតាកែវ។
វត្ថុតាងដកហូតបានរួមាន៖កញ្ឆាស្រស់ទម្ងន់៣,២ kg ,ម៉ូតូ០១គ្រឿងម៉ាកឌ្រីម ស៊េរី២០១៧ ពណ៍ខ្មៅ ពាក់ស្លាកលេខតាកែវ:1Q.6154 ,ដាវសាំប៉ូរ៉ៃ០១ ,កំភ្លើងកៃច្នៃ០១ដើម។បច្ចុប្បន្នជនសង្ស័យរួមនឹងវត្ថុតាង កម្លាំងជំនាញកំពុងកសាងសំណុំរឿង ដើម្បីចាត់ការតាមនិតិវិធីច្បាប់៕