ក្មេងអាយុ៣ឆ្នាំម្នាក់ ត្រូវឪពុកចុងយកកាំបិតអារក បណ្តាលអោយស្លាប់ យ៉ាអាណោចអធម ខណៈពេលបញ្ជូនទៅដល់មន្ទីពេទ្យ
ខេត្តសៀមរាប៖ករណីអំពើមនុស្សឃាតបានកើតឡើង ដោយឪពុកចុងបានយកកាំបិតអារក កូនអាយុ៣ឆ្នាំបណ្តាលអោយស្លាប់ ពេលបញ្ជូនទៅដល់មន្ទីពេទ្យ កាលពីវេលាម៉ោង ១:០០នាទីយប់ ថ្ងៃទី០៩ ខែវិច្ឆិកា ឆ្នាំ២០២០ នៅក្នុងបន្ទប់ផ្ទះជួល ម្តុំខាងក្រោយសាលារៀន បន្ទាយចាស់ ស្ថិតភូមិចុងកៅស៊ូ សង្កាត់ស្លក្រាម ក្រុងសៀមរាប ខេត្តសៀមរាប។នេះបើយោងតាមរបាយការណ៍របស់សមត្ថកិច្ច។
ជនដៃដល់ឈ្មោះ ខឿន វីឡា ភេទប្រុស អាយុ២៨ឆ្នាំ មុខរបរកម្មករសំណង់ មានស្រុកកំណើត ភូមិជ្រៃធំ ឃុំជ្រៃធំ ស្រុកខ្សាច់កណ្តាល ខេត្តកណ្តាល បានយកកាំបិតបុ័ងតោអារក កូនពីខាងក្រោយ បណ្តាលអោយស្លាប់ ក្រោយពេលបញ្ជូន ទៅដល់មន្ទីរពេទ្យគន្ឋបុប្ផា (ជនសង្ស័យត្រូវជាឪពុកចុង)។
ជនរងគ្រោះឈ្មោះ ឌឿ សុបញ្ញា ភេទប្រុស អាយុ៣ឆ្នាំ ម្តាយឈ្មោះ ឌឿ សុផា ភេទស្រីអាយុ ២១ឆ្នាំ មុខរបរលក់ដូរ ស្នាក់ផ្ទះជួល កន្លែងកើតហេតុ។ជនសង្ស័យត្រូវបានកំលាំងប៉ុស្ដិ៍នគរបាល ឃាត់ខ្លួនយកមកសាកសួរតែពុំទាន់យកចំលើយបានទេ ព្រោះឆ្លើយវង្វេងវង្វាន់ មិនដឹងខុសត្រូវ គឺបែកថ្នាំញៀន បានធ្វើតេសគឺវិជ្ជមាន។
មូលហេតុ ពេលប្រពន្ឋកំពុងបោកខោអាវ ស្រាប់តែឮសំឡេងកូនស្រែក ពេលស្ទុះមកមើល ក៏ឃើញ ប្តីកំពុងកាន់កាំបិតអារកកូន ដែលដេកផ្កាប់មុខនៅលើគ្រែ ហើយស្រែកអោយគេជួយ និង យកកូនទៅពេទ្យ។ចំណែកជនសង្ស័យជិះកង់គេចខ្លួន ក្រោយមកសមត្ថកិច្ចប៉ុស្ដិ៍ចាប់បានមកវិញ។ការឃាត់ខ្លួនជនដៃដល់នេះ មានការចូលរួមសហការ ពីលោកមេភូមិ ប្រជាការពារ ភូមិចុងកៅស៊ូ នឹង ភូមិធ្លកអណ្ដូងផងដែរ៕
