Mon,02 November 2020 (Time 06:43 AM)
ដោយ ៖ រស្មីជាយដែន (ចំនួនអ្នកអាន: 462នាក់)

ខេត្តបន្ទាយមានជ័យ៖លោកជំទាវ ម៉ៅ ម៉ាល័យ កែ ​គឹមយ៉ា ប្រធានសមាគ​មនារីកម្ពុជា ​ដើម្បីអភិវឌ្ឍ​ខេត្ត​បន្ទា​យមានជ័យ និងក្រុមការងា​រ កាលពី​រសៀលថ្ងៃទី​១ ខែវិច្ឆិកា ឆ្នាំ២០២០ បាន​នាំយកអំ​ណោ​យ​មនុស្សធ​ម៌របស់អាជីវកនៅក្រុង​ប៉ោប៉ែតដែលជាជន​ជាតិឥណ្ឌូណេ​ស៊ី ផ្ដល់ជូនប្រជាពលរដ្ឋសរុប​ចំនួន៣៦​០គ្រួសារ មកពី១៥ភូមិ នៅសង្កាត់និមិត្ត ដែល​រង​ផល​ប៉ះពាល់ ដោយសារគ្រោះទឹកជំនន់ ​ដែល​អាជ្ញាធរបាន​ជម្លៀសមកទីទួលសុវត្ថិភាព ហើយទឹកស្រក់​បញ្ជូនទៅ​គេហដ្ឋានវិញនោះ។

ពិធីនេះបានប្រព្រឹត្តទៅនៅចំណុចក្នុងបរិវេណវត្តនិមិត្តសុធីរាម(ហៅវត្តកូនដំរី) ស្ថិតនៅក្នុង​សង្កាត់និ​មិត្ត ក្រុងប៉ោយប៉ែត ខេត្តបន្ទាយមានជ័យ ដោយមានកា​រអញ្ជើញចូលរួមពីលោកគាត ហ៊ុល អភិ​បាល​នៃគណៈអភិបាលក្រុង​ប៉ោយប៉ែត និងតន្ត្រីនៃរដ្ឋបាល​ក្រុង,ព្រះចៅអធិការវត្ត និងមន្ត្រីសង្ឃ,ក​ងកម្លាំងប្រដាប់អាវុធទាំង៣ប្រភេទ,ក្រុមយុវជន ស.ស.យ.កនិងអាជ្ញាធរមូលដ្ឋានផងដែរ។

ក្នុងឱកាស​នោះដែរលោកអភិបាលក្រុងបានមានប្រសាសន៍ កោតសរសើរដល់ម្ចាស់ជំនួយ ក៏ដូច​ជាសប្បុ​រសជននានា ដែលតែងតែជួយឧបត្ថម្ភដល់ប្រជាពលរដ្ឋ ដែលមានជីវភា​ពខ្វះខាត​នឹងរងផលប៉ះពាល់ដោយសារគ្រោះទឹកជំនន់ ទាំងជួយដោយផ្ទាល់ និងតាមរយៈរដ្ឋបាលខេត្ត និងរដ្ឋបាលក្រុង។
ជាងនេះទៅទៀតលោកអភិបាលក្រុងបានណែនាំដល់ប្រជាពលរដ្ឋទាំងអស់ត្រូវមានការប្រុងប្រយ័ត្នចំពោះសត្វអាសេរេពិសនានា នឹងខ្សែភ្លើងដែលដាច់ ត្រូវយកចិត្តទុកដាក់រក្សាបរិស្ថាន អនាម័យឲ្យបានល្អ ពិសេសកុំភ្លេចអនុវត្តតាមការណែនាំរបស់ក្រសួងសុខាភិបាល ដើម្បី ជៀសវាងការឆ្លងជំងឺកូវីដ១ ៩ផងដែរ។

ក្នុងនោះលោកអភិបាលក្រុងបានណែនាំដល់អាជ្ញាធរមូលដ្ឋាន ត្រូវយកចិត្តទុកដាក់ទៅលើពលរដ្ឋឲ្យបានល្អ បើមានបញ្ហាអ្វីឬមានជំងឺឈឺស្កាត់ត្រូវរាយការណ៍និងបញ្ជូនទៅបន្ទីពេទ្យបន្ទាន់ដើម្បីជួយសង្រ្គោះឱ្យទាន់ពេលវេលា។

អំណោយដែលត្រូវផ្ដល់ជូនក្នុងមួយគ្រួសារទទួលបាន អង្ករ,មី និងទឹកសុទ្ធ៕