លោក រ៉ែម រីរ: ត្រូវពលរដ្ឋចោទប្រកាន់ថា បានឆបោកលុយ ៥០០០ដុល្លា ដើម្បីនាំចូលក្របខណ្ឌនគរបាល
ខេត្តបន្ទាយមានជ័យ÷ នៅថ្ងៃទី២០ ខែវិច្ឆិកា ឆ្នាំ២០២០នេះ យើងបានទទួលព័ត៌មានពីលោក សេង សុគន្ធា អាយុ ៣០ឆ្នាំ បច្ចុប្បន្នមានទីលំនៅក្នុងភូមិ កោះពងសត្វ សង្កាត់ កោះពងសត្វ ក្រុងសិរីសោភ័ណ បានប្រាប់សារព័ត៌មានរស្មីជាយដែនយើងឲ្យដឹងថា គាត់ត្រូវបានចាញ់បោកលោក រ៉ែម វីរ: បំរើការងារនៅបណ្ឌិតសភានគរបាលកម្ពុជាអស់ចំនួន ៥០០០ (ប្រាំពាន់ដុល្លាសហរដ្ឋអាមេរិច) ។ ក្រោយលោក រ៉ែម វីរៈ បានធានាអះអាងថា អាចនាំចូលក្រមខណ្ឌនគរបាលបាន តែត្រូវ បង់ប្រាក់ចំនួន ៥០០០ (ប្រាំដុល្លា) ។ ដោយបង់ជា បីដំណាក់កាល លើកទី១: ចំនួន ៣៥០០ (បីពាន់ប្រាំរយដុល្លា) លើកទី២: ចំនួន ១០០០ (មួយពាន់ដុល្លា) និងលើកទី៣: ចំនួន៥០០ (ប្រាំរយដុល្លា) ផ្ញើតាមរយៈវីង ។
លោក សេង សុគន្ធា បានបន្តថា នៅក្នុងកិច្ចសន្យា គឺលោក រ៉ែម វីរ: បានកំណត់ឲ្យដាក់ថា (កិច្ចសន្យាចងការប្រាក់) មិនឲ្យសរសេរថា នាំចូលជាក្របខណ្ឌនគរបាលនោះទេ។ ក្រោយមកដោយសាររង់ចាំបាត់ៗ បន្ទាប់ពីជនរងគ្រោះ (សេង សុគន្ធា) បានរករឿង លោក រ៉ែម វីរ: អ្នកទាំងពីរបាន ណាត់ជួបគ្នានៅប៉ុស្តិ៍រដ្ឋបាលនគរបាលកោះពងសត្វ ដោយបានយល់ព្រមធ្វើកិច្ចសន្យាថា និងសងប្រាក់ចំនួន៤០០០ (បួនពាន់ដុល្លា) នៅថ្ងៃទី១៨ ខែ០៦ ឆ្នាំ២០២០ អោយលោក សេង សុគន្ធា ។
លោក សេង សុគន្ធា បន្តថា ក្រោយធ្វើកិច្ចសន្យា លោក រ៉ែម វីរ: នៅតែមិនព្រមសងទើបលោកសំរេចចិត្តដាក់ពាក្យបណ្តឹងនៅក្រសួងមហាផ្ទៃ តែរហូតមកដល់ថ្ងៃនេះនៅមិនទាន់ឃើញ ក្រសួងមហាផ្ទៃចាត់វិធានការណាមួយចំពោះលោក រ៉ែម វីរៈ ជាបុគ្គលិកបំរើការងារនៅបណ្ឌិតសភានគរបាលកម្ពុជាឡើយ។
ជាចុងក្រោយនេះលោក សេង សុគន្ធា សូមស្នើដល់សម្តេចក្រឡាហោម ស ខេង ឧបនាយករដ្ឋមន្ត្រីរដ្ឋ មន្ត្រីក្រសួងមហាផ្ទៃ ជួយរកយុត្តិធម៌ និង ចាត់ការតាមច្បាប់ចំពោះបុគ្គលឆបោក ឈ្មោះ រ៉ែម វីរ: នេះផងចុះ។ ពាក់ព័ន្ធនិងបញ្ហានេះសារព័ត៌មានរស្មីជាយដែនយើង នៅមិនទាន់បានទទួលការបំភ្លឺពីលោក រ៉ែម វីរ: បាននៅឡើយនោះទេ ដោយសារគ្មានលេខទូរស័ព្ទ ។ ដូច្នេះអង្គភាពយើងរង់ចាំការបំភ្លឺរាងរាល់ម៉ោងធ្វើការ៕
