ប្ដីនឹងប្រពន្ធដេកជាមួយគ្នាពេញមួយយប់ អត់ដឹងថាប្ដីស្លាប់ ទើបព្រឹកឡើងភ្ញាក់ផ្អើលសង្ស័យគាំងបេះដូង
ខេត្តបន្ទាយមានជ័យ:បុរសម្នាក់ដេកស្លាប់ ដោយប្រពន្ធមិនដឹងលុះវេលាម៉ោង៤ទាបភ្លឺ ថ្ងៃទី១៧ ខែវិច្ឆិកា ឆ្នាំ ២០២០ បង្កការភ្ញាក់ផ្អើល ក្រោយពីដេកនៅជាមួយគ្នាពេញមួយយប់ ដោយសមត្ថកិច្ចសន្និដ្ឋានថា ការស្លាប់របស់បុរសនេះដោយសារគាំងបេះដូង។
ករណីបង្កការភ្ញាក់ផ្អើលនេះបានកើតឡើង នៅក្នុងភូមិសែសិន សង្កាត់អូរអំបិល ក្រុងសេរីសោភ័ណ ខេត្តបន្ទាយមានជ័យ។
សមត្ថកិច្ចបានឲ្យដឹងថា សពជនរងគ្រោះមានឈ្មោះ សឿន សំអាតភេទប្រុសអាយុ៤០ឆ្នាំ។សមត្ថកិច្ចបានបញ្ជាក់ទៀតថា តាមសំដីរបស់ប្រពន្ធសពឈ្មោះរឿម ស្រីធំ អាយុ៣៤ឆ្នាំបញ្ជាក់ថា នៅមុនពេលកើតហេតុ ពោលគឺជិតយប់ ប្តីរបស់គាត់ដេកមើលទូរទស្សន៍ជាមួយគាត់នឹងកូនៗ គ្រាន់តែមានអាការះក្អកផ្តាស់សាយលុះពេលយប់ជ្រៅក៏បិទទូរទស្សន៍ចូលដេកទាំងអស់គ្នា លុះព្រឹកឡើងជាទម្លាប់ពេលម៉ោង៤ទៀបភ្លឺ ប្រពន្ធបានរៀបចំទៅលក់គ្រឿងម្ជូរ លុះព្រឹកប្រពន្ធដាស់ប្តីមិនភ្ញាក់ឃើញសភាពប្តីរឹងខ្លួនក៏ផ្អើលឆោឡោដឹងថា ប្តីដេកស្លាប់បាត់ទៅហើយ។ឆ្លងតាមការត្រួតពិនិត្យរបស់គ្រូពេទ្យ និងផ្នែកកោសល្យវិច្ច័យបានបញ្ជាក់ដឹងថា ផ្នែកក្បាលនិងអវយវះពុំមានស្លាកស្នាមទេ ផ្នែកដងខ្លួនមានស្លាកស្នាមជាំពេញខ្នងខាងក្រោយពិនិត្យរួចបានធ្វើការសន្និដ្ឋានថា សពដេកគាំងបេះដូងស្លាប់។ក្រោយពិនិត្យហើយសពប្រគល់ជូនក្រុមគ្រួសារធ្វើបុណ្យតាមប្រពៃណី៕
