ជនសង្ស័យ៤នាក់ មានទាំងអ្នកលក់ និងអ្នកជក់ ត្រូវបានកម្លាំងនគរបាលក្រុងសិរីសុភ័ណ ចុះបង្ក្រាបបាន
ខេត្តបន្ទាយមានជ័យ៖ដោយអនុវត្តតាមការណែនាំរបស់លោកឧត្តមសេនីយ៍ត្រី សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ កម្លាំងជំនាញនគរបាលក្រុងសិរីសោភ័ណ បានចុះធ្វើការស្រាវជ្រាវនូវមុខសញ្ញាជួញដូគ្រឿងញៀន រហូតឈានដល់ការចាប់ឃាត់ខ្លួនបានជនសង្ស័យបានជាបន្តបន្ទាប់ចំនួន៤នាក់ មានទាំងអ្នកលក់ និងអ្នកជក់ កាលពីវេលាម៉ោង៣រសៀល ថ្ងៃទី៧ ខែតុលា ឆ្នាំ២០២០ នៅចំណុចភូមិសាស្ត្រក្រុងសិរីសោភ័ណ ខេត្តបន្ទាយមានជ័យ។
លោកវរសេនីយ៍ឯក ស៊ី ឌី អធិការនគរបាលក្រុងសិរីសោភ័ណ បានឲ្យដឹងថា ជនសង្ស័យទាំង៤នាក់រួមមានៈ
ទី១-ឈ្មោះ ស៊ឹម ស្រីណុក ហៅ ណុប ភេទប្រុស អាយុ៣៨ឆ្នាំ មុខរបររត់ម៉ូតូឌុប នៅភូមិមួយ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ ដកហូតបានវត្ថុតាងម្សៅក្រាមពណ៌ស ១កូនថង់ដែកកេះ១ កាំបិតចំពុះទង់១ដើម ទូរស័ព្ទ១គ្រឿង ជាអ្នកលក់ថ្នាំញៀន។
ទី២-ឈ្មោះឈួន សំណាង ភេទប្រុស អាយុ៣៤ឆ្នាំ មុខរបរលាងម៉ូតូ រស់នៅភូមិគោរដ្ឋាន សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ អ្នកជក់។
ទី៣-ឈ្មោះម៉ៅ ប៉ាន ភេទប្រុស អាយុ៣២ឆ្នាំ ធ្វើស្រែ រស់នៅភូមិប៉ោយសំណង់ ឃុំតាម៉ឺន ស្រុកថ្មគោល ខេត្តបាត់ដំបង អ្នកជក់។
ទី៤-ឈ្មោះមឿន រ៉ាម៉ា ម៉ូវឈ្លីស ភេទប្រុស អាយុ៣៨ឆ្នាំ មុខរបរជាងជួសជុលម៉ូតូ រស់នៅភូមិទួលស្បូវ ឃុំទួលតាឯក ស្រុកបាណន់ ខេត្តបាត់ដំបង វត្ថុតាងដកហូតបានថ្នាំញៀនប្រភេទម្សៅក្រាមពណ៌ស ចំនួន២កូនថង់ ជញ្ជីងសម្រាប់ថ្លឹង១ បំពង់ទាំម៉ូម៉ែត្រ១ ទូរស័ព្ទចំនួន៤គ្រឿង ម៉ូតូ១គ្រឿងជាអ្នកលក់។
ក្រោយពីឃាត់ខ្លួនជនសង្ស័យទាំង ៤នាក់ ត្រូវបាននគរបាលក្រុងសិរីសោភ័ណ បញ្ជូនទៅស្នងការដើម្បីចាត់ការបន្ត បន្ទាប់មកពីធ្វើសំណុំបែបបទហើយនគរបាលការិយាល័យប្រឆាំងគ្រឿងញៀន បញ្ជូនជនសង្ស័យទាំង៤នាក់ រួមនិងវត្ថុតាងទៅតុលាការ ដើម្បីចាត់ការបន្តតាមនិតិវិធី៕
