Thu,08 October 2020 (Time 03:13 PM)
ដោយ ៖ រស្មីជាយដែន (ចំនួនអ្នកអាន: 480នាក់)

ខេត្តបន្ទាយមានជ័យ៖ជនសង្ស័យចំនួន២នាក់ ដែលជាប់ពាក់ពន្ធ័ទៅនឹងក​រណី​គ្រឿងញៀន ត្រូវ​បាន​ប​ញ្ជាការដ្ឋានកងរាជអាវុធហត្ថខេត្ត ប​ញ្ជូនទៅ​សាលាដំបូងខេត្ត ដើ​ម្បីបន្តនិតិវិធីច្បាប់ ប​ន្ទាប់ពីធ្វើការសាកសួ និងក​សាងសំណុំរឿង។


សូមជំរាបដែរថា ជនសង្ស័យទាំង២នាក់​ ដែលជាប់ពាក់ពន្ធ័​ករណីរក្សាទុក និងប្រើប្រាស់​ដោយខុស​ច្បាប់ នូវសារធាតុញៀន ត្រូវបានកម្លាំងអាវុធហត្ថក្រុងសិរីសោភ័ណ ដឹកនាំ​ដោយ​លោកវរសេ​នីយ៍​ត្រី យ៉ាន់ សុវណ្ណ មេបញ្ជាការអាវុធហត្ថក្រុង​ ចាប់ឃាត់ខ្លួនបាន​កាលពីវេលាម៉ោង១៤ និង៤៥​នាទីថ្ងៃទី០៧ ខែ​តុលា ឆ្នាំ២០២០ នៅចំណុចផ្សាររាត្រី ស្ថិតក្នុងភូមិ/សង្កាត់ព្រះពន្លា ក្រុងសិ​រីសោភ័ណ ខេត្តបន្ទាយមានជ័យ បន្ទាប់ពីកំណត់មុខសញ្ញាបាន។

ក្រោយពីឃាត់ខ្លួន កម្លាំងដកហូតបាននូវសម្ភារៈវត្ថុតាងមួយចំនួនរួមមាន៖ គ្រឿងញៀន​មេតំហ្វេតា​មីន​ទឹកកក (ម្សៅក្រាមពណ៌សថ្លា) ចំនួន០២កូនថង់កិបទម្ងន់០,៩៥ក្រាម, គ្រឿងញៀនមេតំ​ហ្វេតា​មីន​គ្រាប់ ចំនួន០៣គ្រាប់ ទម្ងន់០,៤២ក្រាម, ម៉ូតូចំនួន០១គ្រឿង ម៉ាកហុងដាឌ្រីម ពណ៌ខ្មៅ ផលិត​ឆ្នាំ២០២០ ពាក់ស្លាកលេខ បន្ទាយមានជ័យ. 1U-5043 ,និងសម្ភារៈមួយចំនួនទៀត ហើយបញ្ជូ​នទៅ​មូល​ដ្ឋានអាវុធហត្ថក្រុងដើម្បីធ្វើការសាកសួរ។

លោកវរសេនីត្រី យ៉ាន់ សុវណ្ណ បានឱ្យដឹងថា ជនសង្ស័យទាំងពីរនាក់មានឈ្មោះ ចន រាជ ហៅ រក្សា ភេទប្រុស អាយុ១៦ឆ្នាំ បច្ចុប្បន្នរស់នៅភូមិ/សង្កាត់ អូរអំបិល ក្រុងសិរីសោភ័ណ ខេត្តបន្ទាយមាន​ជ័យ​ និងឈ្មោះ រ៉ាត់ បញ្ញា ភេទប្រុស អាយុ២១ឆ្នាំ បច្ចុប្បន្ន រស់នៅភូមិ/សង្កាត់ កំពង់ស្វាយ ក្រុងសិរី​សោភ័ណ ខេត្តបន្ទាយមានជ័យ។ជនសង្ស័យទាំងពីរនាក់ ក្រោយពីកម្លាំងជំនាញអាវុធ​ហត្ថ​ក្រុង​សាកសួរចម្លើយរួចមក បានឆ្លើយសារភាពថា ពួកគេពិតជា​បានប្រើប្រាស់គ្រឿង​ញៀនពិតប្រាក​ដមែន ដោយឡែកឈ្មោះ ចន រាជ ហៅ រក្សា ឆ្លើយសារភាពថា ខ្លួនគេពិ​តបានទិញគ្រឿង​ញៀនខាងលើនេះ​មករក្សាទុក ដើម្បីប្រើប្រាស់ពិតប្រកដមែន។ដោយផ្អែកលើចម្លើយសារភាព និងមានវត្ថុតាងផងនោះ កម្លាំងជំនាញអាវុធហត្ថក្រុង បានកសាងសំណុំរឿង​បញ្ជូ​នទៅ​បញ្ជាការដ្ឋានអាវុធហត្ថខេត្ត ដើម្បីចាត់ការបន្ត៕