ឃាត់ខ្លួនជនសង្ស័យម្នាក់ រួមនឹងថ្នាំញៀនប្រភេទកេតាមីនក្រាមពណ៌សថ្លា (KETAMINE) ចំនួន០២កញ្ចប់ធំ នៅខេត្តស្ទឹងត្រែង
ខេត្តស្ទឹងត្រែង:ដោយទទួលបានបញ្ជាពីលោក ឧត្ដមសេនីយ៍ទោ អូត ស៊ីវុត្ថា ស្នងការនៃស្នងការដ្ឋាននគរបាលខេត្តស្ទឹងត្រែង មន្រ្តីអនុវត្តច្បាប់នៃការិយាល័យប្រឆាំងគ្រឿងញៀនបានធ្វើការបង្ក្រាបករណីជួញដូរនិងប្រើប្រាស់ដោយខុសច្បាប់នូវសារធាតុញៀន ដោយឃាត់ខ្លួនជនសង្ស័យបាន១នាក់ កាលពីវេលាម៉ោង ២១:០០នាទី ថ្ងៃទី៣០ ខែតុលា ឆ្នាំ២០២០ នៅចំណុចអាហារដ្ឋានម្លប់ត្នោត ស្ថិតក្នុងភូមិស្ពានថ្ម សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង។
ជនសង្ស័យមានឈ្មោះ អ៊ុក ដំកើង ភេទប្រុស អាយុ៤៤ឆ្នាំ ជនជាតិខ្មែរ មុខរបរយោធា មានទីលំនៅបច្ចុប្បន្ន ភូមិសំរោង ឃុំស្រែសំបូរ ស្រុកសៀមប៉ាង ខេត្តស្ទឹងត្រែង។
វត្ថុតាងដកហូតបានរួមមាន ថ្នាំញៀនប្រភេទកេតាមីនក្រាមពណ៌សថ្លា (KETAMINE) ចំនួន០២កញ្ចប់ធំ ទម្ងន់សរុប២០០២,១ក្រាម ,រថយន្តចំនួន០១គ្រឿង,ទូរស័ព្ទដៃចំនួន ០១គ្រឿង,កាំភ្លើង AK47 ចំនួន ០១ដើម,កាំភ្លើង វ៉ាន់ដឺឡុងចំនួន ០១ដើម,បង់០៤បង់,គ្រាប់១២០គ្រាប់។
បច្ចុប្បន្នជនសង្ស័យខាងលើ មន្រ្តីអនុវត្តច្បាប់ នៃការិយាល័យប្រឆាំងគ្រឿងញៀន កំពុងឃាត់ខ្លួន រៀបចំ សំណុំឯកសារបញ្ជូនទៅអយ្យការអមសាលាដំបូងខេត្ត និងស្វែងរកមុខសញ្ញាពាក់ព័ន្ធផ្សេងទៀត ដើម្បីចាត់ការតាមនីតិវិធី៕
