កម្លាំងសមត្ថកិច្ចស្រុកកំពង់សីលា ចាប់ឃាត់ខ្លួនជនសង្ស័យចំនួន៣នាក់ ពាក់ពន្ធ័ករណីគ្រឿងញៀន
ខេត្តព្រះសីហនុ៖កម្លាំងគណៈបញ្ជាការឯកភាពរដ្ឋបាលស្រុកកំពង់សីលា ដឹកនាំដោយលោក ចាន់ ពន្លក អភិបាលរងស្រុក កាលពីយប់ថ្ងៃទី២៧ ខែតុលា ឆ្នាំ២០២០ បានចុះត្រួតពិនិត្យអាវុធជាតិផ្ទុះនៅផ្លូវជាតិលេខ៤ ក្នុងស្រុកកំពង់សីលា ខេត្តព្រះសីហនុ មានរថយន្តមួយគ្រឿងមកដល់គោលដៅត្រួតពិនិត្យ បានបើកគេចពីការត្រួតពិនិត្យ ប៉ុន្តែសមត្ថកិច្ចបានដេញតាម ឃាត់នាំយកមកគោលដៅត្រួតពិនិត្យវិញ។
រថយន្តនេះម៉ាកស្តារិច ពណ៌ទឹកប្រាក់ បើកបរដោយជនជាតិចិន មានទិសដៅពីភ្នំពេញ ទៅខេត្តព្រះសីហនុ មានអ្នករួមដំណើរចំនួន០៣នាក់ (ទាំងអ្នកបើកបរ) មានឈ្មោះដូចខាងក្រោម ៖
១.ឈ្មោះ Feng Yu ភេទប្រុស អាយុ៣២ឆ្នាំ ជនជាតិចិន អ្នកបើកបរ
២.ឈ្មោះ Gao Ying Kai ភេទប្រុស អាយុ២៩ឆ្នាំ ជនជាតិចិន អ្នករួមដំណើរ
៣.ឈ្មោះ Vu Thi Minh Hien ភេទស្រី អាយុ៣០ឆ្នាំ ជនជាតិវៀតណាម អ្នករួមដំណើរ។
ក្រោយពីត្រួតពិនិត្យឃើញជាលទ្ធផលឃើញថា មានម្សៅសារធាតុញៀន ម៉ាទឹកកក ចំនួន០៧កញ្ចប់ (ធំ០២កញ្ចប់ តូច០៥កញ្ចប់ ) កញ្ឆាក្រៀម០១កញ្ចប់តូច និងថ្នាំពណ៌ខៀវ០៦គ្រាប់ ,ខ្នោះដៃចំនួន០១គូរ,ដំបងឆក់ចំនួន០១ដើម,ទូរស័ព្ទដៃ ចំនួន០៤គ្រឿង,រថយន្តម៉ាក ស្តារិច ពណ៌ទឹកប្រាក់ ស្លាកលេខភ្នំពេញ២AZ៨៤៨១ ចំនួន០១គ្រឿង និងវត្ថុតាងមួយចំនួនទៀត។
ជនសង័្សយនិងវត្ថុតាងទាំង៣នាក់ ត្រូវបានឃាត់ទុកនៅអធិការដ្ឋាននគរបាលស្រុកកំពង់សីលា ដើម្បីបន្តទៅតាមនិតិវិធី៕
