អភិបាលក្រុងប៉ោយប៉ែត ដឹកនាំកម្លាំងចំរុះ ចុះពិនិត្យស្ថានភាពទឹកនៅតាមបន្ទាត់ព្រំដែន ខណៈទឹកហក់ឡើងក្នុងល្បឿនលឿន បង្កឲ្យមានការជនលិចផ្ទះពលរដ្ឋមួយចំនួន គួរឲ្យព្រួយបារម្ម
ខេត្តបន្ទាយមានជ័យ៖នៅក្រុងប៉ោយប៉ែតចាប់តាំងពីបណ្តាលរាជធានី ខេត្ត មួយចំនួននៅក្នុងប្រទេសកម្ពុជា ជួបគ្រោះទឹកជំនន់ បណ្តាលឲ្យរងផលប៉ះពាល់យ៉ាងធ្ងន់ធ្ងរនោះ មិនមានគ្រោះទឹកជំនន់កើតឡើង ដែលបង្កឲ្យមានការព្រួយបារម្មនោះទេ ទើបតែល្ងាចថ្ងៃទី១៦ ខែតុលា ឆ្នាំ២០២០ មានភ្លៀងធ្លាក់មួយមេធំ និងអាចជំនន់ពីប្រទេសថៃផងនោះ បណ្តាលឲ្យមាត់អូរព្រំដែនកម្ពុជា-ថៃ ទឹកហក់ឡើងក្នុងល្បឿនលឿន បង្កឲ្យមានការជនលិចផ្ទះពលរដ្ឋមួយចំនួន គួរឲ្យព្រួយបារម្ម។លុះមកដល់វេលាម៉ោង០៨យប់ ថ្ងៃ ខែដដែរ លោក គាត ហ៊ុល អភិបាល នៃគណៈអភិបាលក្រុងប៉ោយប៉ែត បានដឹកនាំកម្លាំងចំរុះមូលដ្ឋាន ក្នុងនោះមានការចូលរួមពីកងកម្លាំងប្រដាប់អាវុធទាំងបីប្រភេទ ចុះពិនិត្យជាក់ស្តែង ដើម្បីវាយតំលៃក្នុងការជម្លៀសពលរដ្ឋទៅរកទីទួលសុវត្ថិភាពផងដែរ។
នៅព្រឹកថ្ងៃទី១៧ ខែតុលា ឆ្នាំ២០២០ លោកអភិបាលក្រុងបានបន្តដឹកនាំមន្ត្រីក្រោមឱវាទ និងមានការចូលរួមពីកងកម្លាំងប្រដាប់អាវុធចំរុះនៅក្រុងប៉ោយប៉ែតមានទាំងកម្លាំងអាវុធហត្ថ នគរបាល សឹករង វរការពារព្រំដែនគោក ចុះពិនិត្យស្ថានភាពនៅតាមបន្ទាត់ព្រំដែន និងរៀបចំទីទួលសុវត្ថិភាពចំនួនបីកន្លែង រួមមានប៉ុស្តិ៍អូជ្រៅ ស្ថានីយ៍រថភ្លើង និងនៅជិតបុរីខេអិន ដើម្បីត្រៀមជម្លៀសប្រជាពលរដ្ឋ ដែលរងគ្រោះដោយសារទឹកជំនន់រួចជាស្រេចហើយដែរ។
ក្នុងនោះលោកអភិបាលក្រុង បានអំពាវនាវដល់ប្រជាពលរដ្ឋ ដែលរស់នៅតាមបណ្តោយមាត់អូរ ព្រំដែន មានការប្រុងប្រយ័ត្នខ្ពស់ ចំពោះទឹកជំនន់ និងសត្វមានពិស ខ្សែភ្លើងដែលដាច់ធ្លាក់ចូលទឹកបង្កឲ្យងាយនឹងឆក់ ពិសេសកូនតូចៗធ្លាក់ចូលទឹក។រីឯអ្នករស់នៅទីប្រជុំជន ត្រូវជួយទុកដាក់សំរាមឱ្យបានត្រឹមត្រូវ ប្រមូលសំរាមស្ទះមាត់លូ និងបើកមុខទឹកតាមដែលអាចធ្វើបាន ដើម្បីរំដោះទឹកហូរឱ្យបានលឿនជៀសវាងកាស្ទះ៕
.jpg)
