រថយន្តHyundai ជាន់ហ្រ្វាំងមិនជាប់ជ្រុលទៅបុកគូថរថយន្ត LEXUS ស៊េរីទំនើបតម្លៃជាង២០ម៉ឺនដុល្លារ រងការខូចខាតយ៉ាងដំណំ
រាជធានីភ្នំពេញ:រថយន្ត LEXUS ស៊េរីទំនើបតម្លៃជាង២០ម៉ឺនដុល្លារ រងការខូចខាតយ៉ាងដំណំ ដោយសាររថយន្តHyundai បុកគូថពីក្រោយយ៉ាងពេញទំហឹង កាលពីវេលាម៉ោង៣និង៤០នាទីរសៀល ថ្ងៃទី១២ ខែតុលា ឆ្នាំ២០២០ ស្ថិតនៅតាមផ្លូវ២៧១ ក្នុងសង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ បង្កការភ្ញាក់ផ្អើលនៅ។
តាមប្រភពព័ត៌មាននៅកន្លែងកើតហេតុបានឲ្យដឹងថា ភាគីទាំង២ធ្វើដំណើរពីជើងទៅត្បូងស្របទិសគ្នា ដោយរថយន្ត LEXUS ពាក់ស្លាកលេខ ភ្នំពេញ 2BJ-8128 បានបើកនៅខាងមុខដោយល្បឿនធម្មតា ក្នុងពេលនោះក៏មានរថយន្តHyundaiមួយគ្រឿងបើកបរដោយបុរសម្នាក់ ដែលពាក់ស្លាកលេខ ភ្នំពេញ3A-9766 មកពីក្រោយជាន់ហ្រ្វាំងមិនជាប់ជ្រុលទៅ
បុកគូទពីក្រោយយ៉ាងពេញទំហឹង បណ្តាលឲ្យរងការខូចខាតយ៉ាងដំណំតែម្តង។
ក្រោយកើតហេតុសមត្ថកិច្ចបានចុះធ្វើការវាស់វែង និងយកមធ្យោបាយទៅរក្សាទុក ដើម្បីរងចាំការដោះស្រាយគ្នានៅពេលក្រោយ៕
