នគរបាលរាជធានីភ្នំពេញ ឃាត់ខ្លួនមនុស្ស៦៥នាក់ នៅភោជនីយដ្ឋាន"ហុកសិបប្រាំងមួយ ដឺក្រេ ផាប & ឡោញ" និងគ្រឿងញៀនមួយចំនួនធំ
រាជធានីភ្នំពេញ៖កាលពីវេលាម៉ោងជាង១២យប់ រំលងអធ្រាត្រឈានចូលថ្ងៃទី១២ ខែតុលា ឆ្នាំ២០២០នេះ កម្លាំងសមត្ថកិច្ចនៃស្នងការដ្ឋាននគរបាលរាជធានីភ្នំពេញ បានចុះប្រតិបត្តិការណ៍បង្ក្រាប និងចាប់ឃាត់ខ្លួនមនុស្សចំនួន៦៥នាក់នៅភោជនីយដ្ឋានឈ្មោះ "ហុកសិបប្រាំងមួយ ដឺក្រេ ផាប & ឡោញ" ដែលមានទីតាំនៅផ្លូវ២០៥ កែងនិងផ្លូវ៣៨៤ ស្ថិតនៅក្នុងសង្កាត់ទួលស្វាយព្រៃទី២ ខណ្ឌបឹងកេងកង រាជធានីភ្នំពេញ។
បើតាមប្រភពព័ត៌មានបានឲ្យដឹងថា ជនសង្ស័យដែលឃាត់ខ្លួនបានសរុបចំនួន៦៥នាក់ ស្រី២១នាក់ ប្រុស៤៤នាក់ មានទាំងជនជាតិខ្មែរ និងជនជាតិចិន។ក្នុងនោះកម្លាំងដកហូតបាននូវវត្ថុតាងថ្នាំញៀនមួយចំនួនធំ រួមទាំងម៉ូតូ រថយន្តមួយចំនួនទៀត។
ករណីនេះសមត្ថកិច្ចជំនាញនៅតែបន្តធ្វើការស្រាវជ្រាវរកថ្នាំញៀនក្នុងទីនោះថែមទៀត ដោយមិនទាន់សរុបចំនួនប៉ុន្មាននោះទេ ។ក្រោយឃាត់ខ្លួនជនសង្ស័យរួមទាំងវត្ថុតាំង ត្រូវបានបញ្ជូនតាមរថយន្តក្រុងទៅស្នងការរាជធានីភ្នំពេញ ដើម្បីចាត់ការតាមនិតិវិធី៕
