ជនសង្ស័យ២នាក់ ត្រូវកម្លាំងនគរបាលប៉ុស្តិ៍ច្បារអំពៅ២ ឃាត់ខ្លួនពាក់ពន្ធ័ករណីជួញដូរ និងប្រើប្រាស់គ្រឿងញៀន
រាជធានីភ្នំពេញ៖កម្លាំងនគរបាលប៉ុស្តិ៍ច្បារអំពៅ២ នាវេលាម៉ោង១០ព្រឹក ថ្ងៃទី១០ ខែតុលា ឆ្នាំ២០២០ បានចុះប្រតិបត្តិការបង្ក្រាប និងឃាត់ខ្លួនជនសង្ស័យបានចំនួន២នាក់ នៅចំណុចមុខផ្ទះគ្មានលេខ ផ្លូវលំ ស្ថិតនៅក្នុងភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញពាក់ពន្ធ័ទៅនឹងករណីជួញដូរ និងប្រើប្រាស់ដោយខុសច្បាប់នូវសារធាតុញៀន។
ជនសង្ស័យដែលឃាត់ខ្លួនបានមានឈ្មោះ ប៊ុន ណារ៉ែន ភេទប្រុស អាយុ៣០ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅភូមិតាងៅ សង្កាត់និរោធ ខណ្ឌច្បារអំពៅ រាជធានីភ្នំពេញ និងឈ្មោះ ពៅ ខ្មៅ ហៅ រី ភេទប្រុស អាយុ៣២ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញ។
វត្ថុតាងដកហូតបានមានម្សៅក្រាមពណ៌សថ្លា១កញ្ចប់ថង់ធំល្មម។បច្ចុប្បន្នជនសង្ស័យទាំង២នាក់ កំពុងឃាត់ខ្លួន នៅអធិការដ្ឋាននគរបាល ខណ្ឌច្បារអំពៅ ដើម្បីកសាងសំណុំរឿងចាត់ការតាមនិតិវិធី៕
