ពេលនេះវីវរហើយ..! លោកផ្កាយពីរដើរប្រមូលលុយពីចិន (ពុករលួយ) នៅតាមកាសុីណូ ពេលនេះត្រូវ ACU ចាប់បាន…....
យោងតាមលិខិតដែល ភ្នាក់ងារសារព័ត៌មានរស្មីជាយដែនយើង បានទទួលនៅល្ងាចថ្ងៃទី២១ ខែកញ្ញា ឆ្នាំ២០១៩ បានឲ្យដឹងថា៖ លោកទេសរដ្ឋមន្ត្រី ឱម យ៉ិនទៀង ប្រធានអង្គភាពប្រឆាំងអំពេីពុករលួយ ហៅកាត់ថា ACU បានឲ្យលោកឧត្តមសេនីយ៍ទោ យឹម ឡាលី ប្រធានក្រុមចម្រុះ អធិការកិច្ចហត្ថពលកម្មបរទេសនៅខេត្តព្រះសីហនុបំភ្លឺករណីចុះអធិការកិច្ចនៅកាស៊ីណូ ស៊ឹង ឈឹង បែរជាទទួលសំណូកច្រេីនម៉ឺនដុល្លារទៅវិញ។ លិខិតរបស់ ACU បានធ្វើឡើងនៅថ្ងៃទី០៩ ខែកញ្ញា ឆ្នាំ២០១៩ បញ្ជាក់ថា ការឲ្យលោកឧត្តមសេនីយ៍ទោ យឹម ឡាលី បំភ្លឺ បន្ទាប់ពីមានពាក្យប្តឹងមកអង្គភាពប្រឆាំងអំពេីពុករលួយថា៖ តម្លៃត្រូវពិន័យតែ១,៦៨០$ទេ ប៉ុន្តែលោកឧត្តមសេនីយ៍ទោ យឹម ឡាលី បានទទួលប្រាក់ដល់ទៅ២០,០០០$ឯណោះ។ អង្គភាពប្រឆាំងអំពើពុករលួយបានទទួលបាននឹងពិនិត្យទៅលើពាក្យបណ្ដឹង ដែលប្ដឹងបានរៀបរាប់ថាកាលពីថ្ងៃទី១២ខែសីហាឆ្នាំ២០១៩ក្រុមចម្រុះអធិការកិច្ចហត្ថពលកម្មបរទេសនៅខេត្តព្រះសីហនុ ដឹកនាំដោយរូបលោកផ្ទាល់ បានចុះដល់ទីតាំងកាស៊ីណូ ស៊ីង ឈឹង ស្ថិតនៅសង្កាត់១ ក្រុងព្រះសីហនុ ខេត្តព្រះសីហនុ ដើម្បីត្រួតពិនិត្យអនុវត្តច្បាប់ស្តីពីអន្តោប្រវេសន៍ និងច្បាប់ការងារ ។ ក្នុងពេលត្រួតពិនិត្យនោះក្រុមការងារអធិការកិច្ចបានធ្វើការផាកពិន័យជនបរទេសគ្មានប័ណ្ណការងារសរុបចំនួន៥៧ក្បាល (៥៧នាក់ គុណ ១២៥ដុល្លារ = ៧១២៥ដុល្លារ។ ហើយក៏មានការផាកពិន័យចំនួនបីចំណុច ទៅលើសេចក្តីប្រកាសជូនដំណឹង ស្ដីពីបុគ្គលិក សេចក្តីជូនដំណឹងស្ដីពីចលនាបុគ្គលិក និងលិខិតអនុញ្ញាតឲ្យប្រើប្រាស់ហត្ថពលកម្មបរទេស (១៦៨០ដុល្លារ) ប៉ុន្តែលោកបានទទួលថវិកា ចំនួន២ម៉ឺនដុល្លារពីតំណាងកាស៊ីណូដែលលើសពីថវិកាផាកពិន័យរហូតដល់ចំនួន ១១.១៩៥ដុល្លារ ។
