បុរសម្នាក់បានឡើងទៅលើភ្នំដើម្បីកើបអាចម៍ក្រចៀវយកទៅលក់ ក៏បានរអិលជើងធ្លាក់ជាប់នៅក្នុងរូងភ្នំឥឡូវនេះគេបានជួយសង្គោះហើយ......
(ខេត្តបាត់ដំបង)
ក្រោយពីមានសេចក្តីរាយការណ៍មកថា កាលពីព្រឹកថ្ងៃទី៧ ខែសីហាឆ្នាំ ២០១៩ មានប្រជាពលរដ្ឋម្នាក់បានឡើងទៅលើភ្នំដើម្បីរកកើបអាចម៍ក្រចៀវដើម្បីយកទៅលក់ ហើយក៏បានរអិលជើង ធ្លាក់ចូលក្នុងរូងថ្មភ្នំដ៏តូច បណ្តាលអោយជាប់នៅក្នុងរូងថ្មនោះអស់រយៈពេល ៣ថ្ងៃ ៤យប់ មកហើយ ទីតាំងនៃរូងថ្មនោះស្ថិតនៅខាងក្រោយសាលាបឋមសិក្សាហុងទឹកក្នុងភូមិបារាំងធ្លាក់ ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង ជនរងគ្រោះមានឈ្មោះ បូរ៉ា អាយុ ២៧ឆ្នាំ រស់នៅភូមិទឹកថ្លា ឃុំអង្គរបាន ស្រុកសំពៅលូន ខេត្តបាត់ដំបង បានបាត់ខ្លួនតាំងពីថ្ងៃទី ៤ សីហា ឆ្នាំ ២០១៩ ហើយក្រុមអ្នកជួយសង្គ្រោះមានសមត្ថកិច្ច និងអ្នកភូមិប្រុសស្រីចែកគ្នាដើររកទើបប្រទះឃើញនៅយប់ថ្ងៃទី ៦ សីហា ក្នុងស្ថានភាពស្គមស្គាំងគួរឲ្យសង្វេគ។ បើតាមប្រភពពីម្តាយជនរងគ្រោះបានឲ្យបានឲ្យដឹងថាមុនថ្ងៃកើតហេតុនៅថ្ងៃទី ៤ សីហា ឆ្នាំ ២០១៩ ម៉ោង៥ព្រឹកជនរងគ្រោះបានចេញបាត់ពីផ្ទះគ្មានដំណឹង រយៈពេល ៣ថ្ងៃក្រោយ ទើបមានការផ្អើលឆោឡោដើររករហូតមកដល់ថ្ងៃទី ៦ សីហា វេលាម៉ោង១០យប់ទើបរកឃើញជាប់ក្នុងរូងភ្នំ។ ជនរងគ្រោះនៅនិយាយបាននៅឡើយហើយបានប្របានប្រាប់ថាខ្លួនបានកើបអាចម៌ត្រជៀវ ភ្លាមនោះក៏បានជ្រុះកែវពិល ហើយខ្លួនក៏បានដើររកក៏រអិលធ្លាក់ជាប់ក្នុងគំលាតថ្មថយក៏អត់រួច ស្ថិតនៅជួរភ្នំចក្រី ភូមិក្បាលហុង ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង។ ឥឡូវនេះកំលាំងសម្ថកិច្ចកំពុងចូលជួយសង្គ្រោះមានការចូលរួមពីសំណាក់គ្រូពេទ្យ និងប្រជាពលរដ្ឋជាច្រើន។ បច្ចុប្បន្ន៖ សមត្ថកិច្ច និង អាជ្ញាធរមូលដ្ឋានពិសេសស្ថាប័នពាក់ព័ន្ធ រួមជាមួយនឹងប្រជាពលរដ្ឋកំពុងរកដំណោះស្រាយ ដើម្បីយកជនរងគ្រោះចេញពីល្អាងថ្មដ៏តូចចង្អៀតនេះ ព្រោះនៅពេលនេះជនរងគ្រោះមានសភាពទន់ខ្សោយខ្លាំងណាស់ទៅហើយ។ ចំណែកក្រុមគ្រួសារក៏បានធ្វើពិធីសាសនានៅកន្លែងកើតហេតុផងដែរ ដោយបន់ស្រន់ សែនព្រេន ក្រែងមានខុសមាត់ខុសក អ្នកតាម្ចាស់ស្រុក ដែលថែរក្សានៅទីកន្លែងនោះបងដែរ។ ដោយឡែកមកដល់ពេលនេះអង្គភាពគេហទំព័ររស្មីជាយដែនយើងបានទទួលប្រភពព័ត៌មានច្បាស់ការពីសមត្ថកិច្ចដែលនៅកន្លែងនោះថា នៅវេលាម៉ោង ៧ និង០០នាទី នៅល្ងាចថ្ងៃទី៧ ខែសីហា ឆ្នាំ២០១៩ ជនរងគ្រោះដែលជាប់នៅក្នុងរូបភ្នំដ៌តូចនេះឥឡូវនេះខាងក្រុមជួយសង្គ្រោះ បានជួយយកចេញពីរូងភ្នំហើយ៕
