ករណីគ្រោះថ្នាក់ចរាចរណ៍ រវាងរថយន្តហ៊ីយ៉ាន់ ដាយ និងរថយន្តកា ម៉ារី ប្រលះគ្នាបណ្តាលឲ្យអ្នកបើកបរ......
(ខេត្តបាត់ដំបង)
ករណីគ្រោះថ្នាក់ចរាចរណ៍ រវាងរថយន្ត និងរថយន្ត គឺរថយន្តដឹកឥដ្ឋ ម៉ាក ហ៊ីយ៉ាន់ដាយ ពណ៏ស ពាក់ផ្លាកលេខភ្នំពេញ3 C .38 31 បើកបរក្នុងទិសដៅ ពីត្បូង ឆ្ពោះទៅជើងដល់ចំណុចកើតហេតុបានឡើង ជែង
រថយន្ត ពីមុខទិសដៅស្របគ្នា បានជ្រុលចង្កូតទៅបុករថយន្តម៉ាកកាម៉ារី(បាឡែន)ពណ៌ទឹកមាស ពាក់ផ្លាកលេខបាត់ដំបង2A. 95 77 បើកបរក្នុងទិសដៅផ្ទុយគ្នាពីជើងទៅត្បូងបណ្តាលអោយអ្នកបើកបររថយន្តម៉ាកកាម៉ារីរងរបួសធ្ងន់។ ចំណែកអ្នកបើកបររថយន្ត ហ៊ីយ៉ាន់ ដាយ បានរត់គេចខ្លួនបាត់ ។ បើតាមប្រភពអ្នកនៅកន្លែងកើតហេតុបានឲ្យដឹងថា៖ ១. អ្នកបើកបររយន្តម៉ាក ហ៊ីយ៉ាន់ ដាយមានឈ្មោះ ជា ភេទប្រុស អាយុ38ឆ្នាំ នៅភូមិបញ្ញា ឃុំកំពង់ព្រះ ស្រុកសង្កែ ខេត្តបាត់ដំបង (រត់គេចខ្លួនបាត់) ២.អ្នកបើកបររថយន្តកាម៉ារីឈ្មោះ ភី សុខា ភេទប្រុស អាយុ40ឆ្នាំនៅភូមិវត្តរំដួល សង្កាត់ចំការសំរោង ក្រុងបាត់ដំបង ខេត្តបាត់ដំបង (រងរបួសធ្ងន់) ករណីនេះកម្លាំងជំនាញស្រុកថ្មគោលបានដឹកអ្នករងរបួសទៅកាន់មន្ទីរពេទ្យបង្អែកស្រុកថ្មគោលដើម្បីសង្គ្រោះ និងបានធ្វើការវាស់វែងឲ្យបានត្រឹមត្រូវ ។ ហេតុការនេះកើតឡើងនៅរសៀលថ្ងៃទី១៧ ខែសីហា ឆ្នាំ២០១៩ វេលាម៉ោង១៦ និង៥០នាទី នៅលើផ្លូវជាតិលេខ៥ ក្រុមទី30 ភូមិអូរញ ឃុំបឹងព្រីង ស្រុកថ្មគោល។ ចំណែកវត្ថុតាងកម្លាំងជំនាញយកមករក្សាទុកនៅអធិការដ្ឋាននគរបាលស្រុកថ្មគោលដើម្បីចាត់ការតាមនីតិវិធី៕
