លោកវរសេនីយ៍ឯក ជា តារា មេបញ្ជាការរង កងរាជអាវុធហត្ថខេត្ត តំណាងឲ្យលោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត រួមជាមួយសហការីនាំយកថវិកា និងសម្ភារៈជូនដល់....
បន្ទាយមានជ័យ:ថ្ងៃសៅរ៍ ០៥កើត ខែអាសាឍ ឆ្នាំកុរ ឯកស័កស័ក ព.ស២៥៦៣ ត្រូវនឹងថ្ងៃទី០៦ ខែកក្កដា ឆ្នាំ២០១៩ លោកវរសេនីយ៍ឯក ជា តារា មេបញ្ជាការរង កងរាជអាវុធហត្ថខេត្ត តំណាងឲ្យលោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត រួមជាមួយសហការី បាននាំយកសម្ភារៈ និងថវិកាចូលរួមរំលែកមរណ:ទុក្ខ ដល់ក្រុមគ្រួរសារសព ឈ្មោះ ញ៉ែត ឆក ភេទ ប្រុស អាយុ ៤៥ឆ្នាំ បាន ទទួលមរណៈភាពដោយរោគាពាធ ស្ថិតនៅភូមិព្រៃវែង ឃុំគំរូ ស្រុកថ្មពួក ខេត្តបន្ទាយមានជ័យ សម្ភារ: និងថវិកាចូលបុណ្យសពរួមមាន ៖ ថវិកា ៥០០.០០០រៀល អង្ករ ០២ការ៉ុង ស្មេី ១០០គីឡូក្រាម មី ០៤កេះ ទឹកត្រី ០២យួរ ទឹកស៊ីអ៊ីវ ០២យួរ និងទឹកបរិសុទ្ធ ៥០យួរ ក្នុងនោះផងដែរលោកវរសេនីយ៍ឯក ជា តារា បានពាំនាំពាក្យផ្តាំផ្ញេី និងសួរសុខទុក្ខពីសំណាក់លោក ឧត្តមសេនីយ៍ត្រី មេបញ្ជាការកងរាជអាវុធហត្ថខេត្ត និងបានបញ្ជាក់បន្ថែមថា លោកឧត្តមសេនីយ៍ត្រី មេបញ្ជាការ កងរាជអាវុធហត្ថខេត្តតែងតែយកចិត្តទុកដាក់ដល់បងប្អូនប្រជាពលរដ្ឋទូទាំងឃុំគំរូ ដែលជួបទុក្ខលំបាកផ្សេងៗជាយថាហេតុ ដោយមិនប្រកាន់និន្នាការនយោបាយឡេីយ ។