ពិធីបញ្ចុះបឋមសីលាសាងសង់អាគារមូលដ្ឋានកងរាជអាវុធហត្ថក្រុងប៉ោយប៉ែត ក្រោមអធិបតីភាពលោកឧត្ដមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ
ខេត្តបន្ទាយមានជ័យ៖
លោកឧត្ដមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ បានអញ្ជើញជាអធិបតីភាព ក្នុងពិធីបញ្ចុះបឋមសីលាសាងសង់អាគារមូលដ្ឋានកងរាជអាវុធហត្ថក្រុងប៉ោយប៉ែតថ្មីចំនួនពីរខ្នង នាព្រឹកថ្ងៃសុក្រ ១១កើត ខែអាសាឍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១២ ខែកក្កដា ឆ្នាំ២០១៩។
អាគារនេះសាងសង់ឡើងអំពីថ្ម ដំបូលប្រក់ក្បឿងស្រកាលិញ ដែលមានទំហំ ១១ម៉ែត្រ x ២២ម៉ែត្រ កំពស់ បីជាន់ ស្មើ ១១.៧៧ម៉ែត្រ សម្រាប់អាការរដ្ឋបាល និងអាគារមួយខ្នងទៀតមានកំពស់ពីរសម្រាប់កម្លាំងស្នាក់នៅ ផ្ទះបាយ ឃ្លាំងដាក់សម្ភារៈ និងបន្ទប់អនាម័យ។
ក្នុងពិធីនោះដែរលោកឧត្តមសេនីយ៍ត្រី មេបញ្ចាការបានមានប្រសាសន៍ថា ៖ ការសាងសង់អាគារមូលដ្ឋានកងរាជអាវុធហត្ថក្រុងប៉ោយប៉ែត គឺយោងតាមគោលការណ៍ និងសេចក្តីណែនាំពីសំណាក់លោកនាយឧត្តមសេនីយ៍ សៅ សុខា អគ្គមេបញ្ជាការង នៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស ឲ្យគ្រប់បណ្តាទីបញ្ជាការកងរាជអាវុធហត្ថ រាជធានី-ខេត្ត មូលដ្ឋានស្រុក/ក្រុង និងស្នាក់ការសន្តិសុខ សាងសង់ទីជម្រកសម្រាប់កងកម្លាំង និងកន្លែងធ្វើការ ស្នាក់នៅ ផ្ទះបាយ ឃ្លាំងដាក់សម្ភារៈនិងសាលប្រជុំប្រកបទៅតាមស្តង់ដារនិងគុណភាពដែលជាតម្រូវការចាំបាច់ទៅតាមរបៀបរបបការងារផងដែរ៕
