សមត្ថកិច្ចជំនាញ ចុះបង្ក្រាបទីតាំងកែច្នៃសារធាតុញៀនដោយខុសច្បាប់ពីកន្លែង....!!!!
(ភ្នំពេញ)
សមត្ថកិច្ចជំនាញចុះបង្ក្រាបទីតាំងកែច្នៃសារធាតុញៀនដោយខុសច្បាប់ នៅទីតាំងផ្ទះលេខ៤៧ ផ្លូវបេតុង ១១២ ភូមិរបោះអង្កាញ់១ សង្កាត់ព្រែកឯង ខណ្ឌច្បារអំពៅ នៅថ្ងៃទី ០៤ខែធ្នូ២០១៩ ម៉ោង១០និង១០នាទី។
នៅថ្ងៃទី០៤ខែធ្នូឆ្នាំ២០១៩ ម៉ោង១០និង១០នាទី ដឹកនាំដោយ ឯកឧត្តម ឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងគ្រឿងញៀន ក្រសួងមហាផ្ទៃ, លោក ឧត្តមសេនីយ៍ទោ ហួត ចាន់យ៉ារ៉ាន់ ស្នងការរងទទួល ផែនការងារប្រឆាំងគ្រឿងញៀង រាជធានីភ្នំពេញនិងគណៈបញ្ជាការឯកភាពខណ្ឌច្បារអំពៅ និងដោយមានការសម្រប សម្រួលផ្លូវច្បាប់ពីលោក គុជ គឹមឡុង ព្រះរាជអាជ្ញាររង នៃអយ្យការអមសាលាដំបូងរាជធានីភ្នំពេញ បានចុះឆែកឆេរ ទីតាំងកែច្នៃសារធាតុញៀនដោយខុសច្បាប់ខាងលើ។ (ផ្នែកតាមចម្លើយសារភាពជនសង្ស័យ០៤នាក់ (ប្រុស២នាក់,ស្រី ២នាក់) ដែលឃាត់ខ្លួនបាននៅចំណុចផ្ទះជួល សង្កាត់បឹងកេងកង២ ខណ្ឌបឹងកេងកង កាលពីយប់ថ្ងៃទី ០៣ខែធ្នូឆ្នាំ២០១៩ ម៉ោង២២និង៣០នាទី ដកហូតវត្ថុតាង ៖ក្រាមពណ៌សថ្លា (សង្ស័យគ្រឿងញៀន)(ចំនួន ១០កញ្ចប់ធំ)។
ការឆែកឆេរនៅទីតាំងខាងលើរកឃើញ ៖ -ម្សៅក្រាមពណ៌សថ្លាចំនួន ០១កញ្ចប់-ក្រាមពណ៌ត្នោត ២០កញ្ចប់
-សារធាតុរាវ ៣៨ដប-សារធាតុរាវពណ៌ខ្មៅ ២៤ចានជ័រធំ (ក្លាសេក្នុងទូរទឹកកក០២)-ឧបករណ៍ផលិតកែច្នៃមួយចំនួន-សារធាតុរាវពណ៌ស ១ប៊ីដុង វត្ថុតាងដកហូតពីទីតាំងខាងលើ ប្រគល់ជូនមន្ទីរប្រឆាំងគ្រឿងញៀន ក្រសួងមហាផ្ទៃ។ បច្ចុប្បន្នជនសង្ស័យរួនិងវត្ថុតាងត្រូវសមត្ថកិច្ចជំនាញកំពុងកសាងសំណុំរឿដើម្បី ចាត់ការតាមនីតិវិធីច្បាប់៕