សមត្ថកិច្ចស្រុកដំណាក់ចង្អើរឃាត់ខ្លួនបុរសម្នាក់តាមដីកា ពាក់ព័ន្ធករណី......
(ខេត្តកែប)៖
បុរសម្នាក់ត្រូវសមត្ថកិច្ចនៃអធិការដ្ឋាននគរបាលស្រុកដំណាក់ចង្អើរ ឃាត់ខ្លួនតាមដីកាលេខ១៥០ ចុះថ្ងៃទី០៨ ខែតុលា ឆ្នាំ២០១៩ របស់លោក គាំ គង្គា ចៅក្រមសើុបសួរ នៃសាលាដំបូងខេត្តកំពត ពាក់ព័ន្ធនឹងករណីប្រើហិង្សាទៅលើអ្នកដ៏ទៃបណ្តាលឱ្យមានរបួសស្នាម កាលពីអំឡុងខែកក្កដា ឆ្នាំ២០១៩ កន្លងទៅ ។ជនសង្ស័យរូបនេះ ត្រូវបានកម្លាំងសមត្ថកិច្ចឃាត់ខ្លួនបាននៅវេលាម៉ោង៧ និង២០នាទីព្រឹក ថ្ងៃទី១៦ ខែវិច្ឆិកា ឆ្នាំ២០១៩ ត្រង់ចំណុចភូមិអង្កោល ឃុំអង្កោល ស្រុកដំណាក់ចង្អើរ ខេត្តកែប ក្រោយពីជនសង្ស័យគេចខ្លួនមួយរយៈ។
ទាក់ទិននឹងករណីខាងលើ លោក តូវ សុវណ្ណ អធិការនគរបាលស្រុកដំណាក់ចង្អើរ បានឱ្យដឹងថា ជនសង្ស័យមានឈ្មោះ ចាន់ធី(ហៅគុជ) ភេទប្រុស កើតនៅឆ្នាំ១៩៨៩ នៅភូមិអង្កោល ឃុំអង្កោល ស្រុកដំណាក់ចង្អើរ ខេត្តកែប។លោកអធិការបានបញញ្ជាក់ថា ការឃាត់ខ្លួនជនសង្ស័យនេះ គឺអនុវត្តតាមដីការបស់តុលាការខេត្តកំពត ខណៈជនសង្ស័យរូបនេះ បានបង្កហិង្សាបណ្តាលឱ្យមានរបួសស្នាមដល់អ្នកដ៏ទៃ កាលពីថ្ងៃទី១៤ ខែកក្កដា ឆ្នាំ២០១៩ ដែលបានប្រព្រឹត្តនៅក្នុងភូមិសាស្ត្រឃុំអង្កោល ស្រុកដំណាក់ចង្អើរ ខេត្តកែប រូួចហើយជនសង្ស័យបានគេចខ្លួនបាត់រហូត លុះព្រឹកមិញនេះ ទើបកម្លាំងរបស់លោកតាមប្រមាញ់ហើយឃាត់ខ្លួនបានតែម្តង។ បច្ចុប្បន្ន៖ ជនសង្ស័យត្រូវបានសមត្ថកិច្ចរៀចំបញ្ជូនខ្លួនទៅកាន់សាលាដំបូងខេត្តកំពត ដើម្បីចាត់ការតាមនីតិវិធី ៕
