ឃាត់ខ្លួនបុរស 02នាក់ដោយសារតែ.......
(បាត់ដំបង)
នៅថ្ងៃទី០១ ខែវិច្ឆិការ ឆ្នាំ២០១៩ វេលាម៉ោង ១៤ៈ៣០នាទី អនុវត្តតាមមតិណែនាំរបស់ ឯកឧត្តម ឧត្តមសេនីយ៍ទោ អ៊ុច សុខុន ស្នងការ នៃស្នងការដ្ឋាននគរបាលខេត្តបាត់ដំបង ក៏ដូចជាមតិដឹកនាំរបស់ លោកឧត្តមសេនីយ៍ត្រី កុយ ហៀង ស្នងការរង ទទួលផែនប្រឆាំងគ្រឿងញៀន ។
នៅចំណុចក្រុម២២ ភូមិច្រាបក្រសាំង សង្កាត់វត្តគរ ក្រុងបាត់ដំបង ខេត្តបាត់ដំបង កំលាំងជំនាញប្រឆាំងគ្រឿងញៀន នៃអធិការដ្ឋាននគរបាលក្រុងបាត់ដំបង បានធ្វេីការ បង្រ្កាបករណី ជួញដូរដោយខុសច្បាប់នូវសារធាតុញៀន ០១ករណី ឃាត់ខ្លួនជន សង្ស័យ ០២នាក់មានឈ្មោះដូចខាងក្រោមៈ
១- ឈ្មោះ កុយ ហេងលី ហៅ ហេង ភេទប្រុស អាយុ ២៨ឆ្នាំ មានទីលំនៅ កន្លែងកេីតហេតុខាងលេី (ម្ចាស់ថ្នាំញៀន) ២-ឈ្មោះ កេន អក្ខរា ហៅ មករា ភេទប្រុស អាយុ ២៣ឆ្នាំ រស់នៅភូមិសាលាបាឡាត់ សង្កាត់អូរម៉ាល់ ក្រុងបាត់ដំបង (បក្សពួក) ។ វត្ថុតាងៈ ថ្នាំញៀនម៉ាទឹកកក (Ice) ចំនួន ០៣ថង់ , ទូរស័ព្ទដៃ ចំនួន ០១គ្រឿង និងកាបូបសំរាប់ដាក់លុយចំនួន ០១ ។
ដោយមានការអនុញ្ញាតពីលោក នួន សាន ព្រះរាជអាជ្ញា នៃអយ្យការអមសាលាដំបូងខេត្តបាត់ដំបង កំលាំងយេីង បានបន្តសហការជាមួយកំលាំងប៉ុស្តិ៍រដ្ឋបាលវត្តគរ បន្តធ្វេីការឆែកឆេលំនៅដ្ឋានរបស់ជនសង្ស័យ រកឃេីញវត្ថុតាងដូចខាងក្រោមៈ-ថ្នាំញៀនម៉ាទឹកកក ចំនួន ០៤ថង់-កូនជញ្ជីងសំរាប់ថ្លឹងថ្នាំញៀនលក់ ចំនួន ០១-ថង់ប្លាស្ទិកសំរាប់រំលែកច្រកថ្នាំញៀនលក់ និងសំភារៈសំរាប់ប្រេីប្រាស់ថ្នាំញៀន មួយចំនួន ។ សរុបៈ ថ្នាំញៀនម៉ាទឹកកក ចំនួន ០៧ថង់ ទម្ងន់ ២២០,៥៩ក្រាម ទាំងសំបក ៕